కీర్తి సురేష్ ఐటమ్ సాంగ్

ఒకప్పుడు టాప్ హీరోయిన్లుగా వెలిగిన వాళ్లంతా ఆఫర్స్ తగ్గగానే ఐటమ్ సాంగ్స్ తో ఆకట్టుకునేవారు. మెల్లగా ట్రెండ్ మారింది. టాప్ హీరోయిన్ లుగా వెలుగుతున్న టైమ్ లో కూడా ఐటమ్ సాంగ్స్ తో అదరగొడుతున్నారు. అయితే వారి ఇమేజ్ కు తగ్గట్టుగా మాత్రమే ఇది కనిపించేది. అలాంటిది కీర్తి సురేష్ కూడా ఐటమ్ సాంగ్ చేస్తుంది అంటే మాత్రం చాలామంది నమ్మలేకపోతున్నారు. బట్ ఇది నిజం. కీర్తి సురేష్ కూడా ఇప్పుడు ఐటమ్ లో చిందేస్తోంది.

వరుస మూవీస్ తో బిజీ

కీర్తి సురేష్ పెళ్లి తర్వాత కూడా బాగా బిజీగా మూవీస్ చేస్తోంది. ప్రస్తుతం తెలుగులో విజయ్ దేవరకొండ సరసన రౌడీ జనార్ధన మూవీలో నటిస్తోంది. ఈ మూవీలో తన పాత్ర చాలా పవర్ ఫుల్ గా ఉండబోతోంది అని తెలుస్తోంది. దీంతో పాటు అనిల్ రావిపూడి డైరెక్షన్ లో వెంకటేష్ సరసన మరో మూవీ చేస్తోంది. ఇందులో కళ్యాణ్ రామ్, కృతిశెట్టి మరో జంటగా నటిస్తున్నారు. వీటితో పాటు తమిళ్ లో కూడా మరికొన్ని మూవీస్ చేస్తోంది. అలాంటి టైమ్ లో కీర్తి సురేష్ సడెన్ గా ఐటమ్ సాంగ్ చేయడం ఆశ్చర్యమే.

ద ప్యారడైజ్ మూవీలో స్పెషల్ సాంగ్

Keerthy Suresh Movies, The Paradise Movieనేచురల్ స్టార్ నాని హీరోగా నటిస్తోన్న ‘ద ప్యారడైజ్’మూవీలో కీర్తి సురేష్ ఓ ఐటమ్ సాంగ్ చేస్తోంది. ఇది ఈ నెల 28నుంచే చిత్రీకరణ మొదలైంది. ఈ చిత్రం సెప్టెంబర్ లో విడుదల కాబోతోంది కదా. ఇప్పటికే మేజర్ పార్ట్ చిత్రీకరణ పూర్తి చేసుకుంది. ఈ ఐటమ్ సాంగ్ పెద్ద బ్యాలన్స్ గా ఉంది. ఈ పాట కేవలం నాని కోసమే చేస్తోంది అనేది చాలామందికి తెలిసిన విషయం. నానితో కీర్తి సురేష్ కి మంచి ఫ్రెండ్షిప్ ఉంది. ఆ కారణంగానే ఈ ఐటమ్ లో చిందేస్తోందా లేక ఫ్యూచర్ లో కూడా ఈ టైప్ స్పెషల్ సాంగ్స్ తో నర్తిస్తుందా అనేది చూడాలి.
కానీ కీర్తి సురేష్ ఐటమ్ సాంగ్ చేయడం ఆమె అభిమానులకు కాస్త మింగుడు పడని విషయమే అని చెప్పాలి.