సూపర్ స్టార్ కృష్ణ మనవడు, దివంగత రమేష్ బాబు తనయుడు, మహేష్ బాబు అన్న కొడుకు అంటూ చాలా ట్యాగ్స్ తో ఉన్న హీరో జయకృష్ణ. అతను హీరోగా పరిచయం అవుతోన్న మూవీ శ్రీనివాస మంగాపురం. మాజీ హీరోయిన్ రవీనా టాండన్ కూతురు రషా టండానీ హీరోయిన్ గా పరిచయం అవుతోంది. ఈ ఇద్దరి జంటకు మంచి అప్లాజ్ వస్తోంది. జయకృష్ణ ఇండస్ట్రీలోకి రావడం కోసం చాలా కసరత్తులు చేశాడు. తన తండ్రి సాధించలేకపోయిన విజయాన్ని తను సాధించాలని తాపత్రయ పడుతున్నాడు. ఆర్ఎక్స్ 100, మంగళవారంతో మంచి హిట్స్ అందుకున్న అజయ్ భూపతి ఈ చిత్రాన్ని తెరకెక్కించాడు. ఆల్రెడీ ఈ మూవీ ఆడియోకు మంచి అప్లాజ్ వస్తోంది.పాటలు ఆల్రెడీ హిట్ అయ్యాయని మేకర్స్ బలంగా నమ్ముతున్నారు.
ఇక ఈ చిత్రాన్ని జూలై 9న విడుదల చేయబోతున్నాం అని గతంలోనే ప్రకటించారు. అయితే అదే టైమ్ కు అక్కినేని అఖిల్ హీరోగా నటించిన లెనిన్ కూడా విడుదల కాబోతోంది. దీంతో వీరు తమ శ్రీనివాస మంగాపురం సినిమాను వాయిదా వేయాలని నిర్ణయించుకున్నారు. కొత్త డేట్ గా ఇదే అని ఫిక్స్ చేయలేదు కానీ.. జూలై 30న ఈ చిత్రాన్ని రిలీజ్ చేయాలని ప్లాన్ చేసుకుంటున్నారట. మొత్తంగా హీరోగా ఫస్ట్ మూవీ అంటే ఇలాగే చేయాలి. కానీ వీళ్లు మొదటి నిర్ణయాన్ని వాయిదా వేయడం ఏమంత బాలేదు అని అభిమానులు భావించినా.. అఖిల్ తో పోటీ ఎందుకునే అని వీళ్లు అలా ఫిక్స్ అయ్యారు. బట్ మూవీ ఎప్పుడు విడుదలైన మంచి విజయం సాధించడం ఖాయం అనేది వీరి కాన్ఫిడెన్స్ మాత్రం చూడముచ్చటగా ఉంది.