నందమూరి బాలకృష్ణ అప్డేట్

ఈ యేడాది డిసెంబర్ మంచి డిమాండ్ లో ఉండబోతోంది అనిపిస్తోంది. ఇప్పటికే బాలయ్య నటిస్తోన్న మూవీ డిసెంబర్ లో విడుదల కాబోతోంది అని చెబుతున్నారు. గోపీచంద్ మలినేని డైరెక్షన్ లో రూపొందుతోన్న ఈ మూవీలో బాలయ్య పవర్ ఫుల్ పాత్రలో కనిపించబోతున్నాడు. ఈ మేరకు విడుదల చేసిన గ్లింప్స్ తోనే అదరగొట్టాడు. అదీ కాక బాలయ్య విగ్ సెట్ అయితే సినిమా హిట్ అనే టాక్ కూడా ఉంది కదా. ఇక ఈ చిత్రాన్ని డిసెంబర్ 3న విడుదల చేయడానికి మూవీ టీమ్ సన్నాహాలు చేస్తోంది. ఇప్పటికే మేజర్ పార్ట్ చిత్రీకరణ కూడా పూర్తి కావొస్తోంది. ఇక పోస్ట్ ప్రొడక్షన్ వర్క్స్ తో పాటు ప్రమోషన్స్ కు కావాల్సినంత టైమ్ ఉంది. అదీ కాక బాలయ్య ఈ మూవీ తర్వాత ఆగస్ట్ నుంచే కొరటాల శివ డైరెక్షన్ లో మూవీ చేయబోతున్నాడు. అంటే ఆగస్ట్ వరకు గోపీచంద్ మూవీ కంప్లీట్ అవుతుంది. అందుకే బాలయ్యకు బాగా కలిసొచ్చినా డిసెంబర్ లోనే ఈ చిత్రాన్ని విడుదల చేయాలనుకుంటున్నారు.

ప్రభాస్ ఫౌజీ మూవీ

ఇక రాజాసాబ్ లాంటి డిజాస్టర్ చూసిన ప్రభాస్ తర్వాత వరుసగా మూడు సినిమాలు చేస్తున్నాడు. వీటిలో ముందుగా రావాల్సిన సినిమా ఫౌజీ. బట్ ఈ మూవీ గురించి మినిమం అప్డేట్స్ కూడా ఏం లేవు. అసలు వస్తుందా లేదా అనేది కూడా తెలియకుండా పోయింది. ఈ మూవీ టీమ్ నుంచి ఎలాంటి విషయాలు కూడా తెలియకుండా ఉన్నారు. ఆ కారణంగా ఈ చిత్రం అసలు ఈ యేడాది విడుదలవుతుందా అనే అనుమానాలు కూడా ఉన్నాయి. అయితే తాజాగా కొందరు మాత్రం ఈ చిత్రాన్ని ఈ యేడాది డిసెంబర్ 3న విడుదల చేస్తారు అని చెబుతున్నారు. ఆ కొందరు అనేది ఎవరికీ తెలియదు. బట్ ఇప్పటికైతే ఫౌజీని డిసెంబర్ 3న విడుదల చేయబోతున్నారు అనే రూమర్ ఉంది.

విజయ్ దేవరకొండ రణబాలి

ఇక విజయ్ దేవరకొండ హీరోగా నటిస్తోన్న మూవీ రణబాలి. రష్మిక మందన్నా హీరోయిన్. రాహుల్ సాంకృత్యన్ డైరెక్ట్ చేస్తోన్న ఈ మూవీ స్వాతంత్ర్య సంగ్రామం నేపథ్యంలో రాబోతోంది. ఈ మూవీ విషయంలో విజయ్ దేవరకొండ చాలా సీరియస్ గా ఉన్నాడు. ఖచ్చితంగా హిట్ కొట్టాలనే కసితో ఉన్నాడు. అదీ కాక రష్మిక మందన్నా ఈ మధ్య చేసిన సినిమాలన్నీ దాదాపు బ్లాక్ బస్టర్స్. అలాంటి ఇద్దరూ పెళ్లి తర్వాత చేస్తోన్న మూవీ ఇది. అయితే ఈ మూవీ సెప్టెంబర్ 11నవిడుదల అన్నారు. తర్వాత అక్టోబర్ కు వాయిదా వేశారు. బట్ ఈ వాయిదా కూడా ఆగిపోయేలా ఉందట. ఈ చిత్రాన్ని కూడా డిసెంబర్ లో విడుదల చేయబోతున్నారు అనే టాక్ బలంగా వినిపిస్తోంది.
ఇక నాని నటిస్తోన్న ద ప్యారడైజ్ కూడా డిసెంబర్ లోనే విడుదల కాబోతోందంటున్నారు. వీళ్లు ఇప్పటికే రిలీజ్ డేట్ మార్చారు. ఇంకా కొత్త డేట్ అనేది అనౌన్స్ చేయలేదు. మరి వీళ్లు కూడా డిసెంబర్ లో వస్తే.. ఈ నెల టాలీవుడ్ కు మాంజి జోష్ గా ఉంటుందేమో.