kalyan5023@gmail.com
కామెడీ కంటే షాకులే ఎక్కువ!
Rating: ⭐⭐☆☆☆ (2/5)
కొన్ని సినిమాలు ట్రైలర్ చూస్తేనే “ఇందులో ఏదో కొత్తగా ఉంది” అనిపిస్తాయి. Oh Sukumari కూడా అలాంటి సినిమానే. హీరోయిన్ను ఎవరైనా తాకితే కరెంట్ షాక్ కొట్టడం అనే కాన్సెప్ట్ వినడానికి కొత్తగా అనిపిస్తుంది. కానీ ఆ చిన్న పాయింట్ను రెండున్నర గంటల సినిమా వరకు ఆసక్తికరంగా తీసుకెళ్లగలిగారా అంటే… సమాధానం మాత్రం కాదు.
కథ
తెలంగాణలోని ఓ చిన్న గ్రామంలో పుట్టిన దామిని (ఐశ్వర్య రాజేష్) చిన్నప్పటి నుంచే ఓ విచిత్రమైన సమస్యతో బాధపడుతూ ఉంటుంది. ఆమెను ఎవరైనా తాకితే వారికి కరెంట్ షాక్ తగులుతుంది. దీంతో ఊరివాళ్లు ఆమెను దూరం పెడతారు.
మరోవైపు యాదగిరి (తిరువీర్) తన తాత వీలునామా కారణంగా వెంటనే పెళ్లి చేసుకోవాల్సిన పరిస్థితిలో ఉంటాడు. అలా దామినిని చూసి ప్రేమలో పడతాడు. ఆమె సమస్య తెలియకుండా పెళ్లి చేసుకుంటాడు.
పెళ్లి తర్వాత ఏమైంది? ఈ విచిత్రమైన సమస్య వారి జీవితాన్ని ఎలా మార్చింది? అత్తింట్లో ఎదురైన పరిస్థితులు ఏంటి? చివరకు దామిని సమస్యకు పరిష్కారం దొరికిందా? అనేదే మిగతా కథ.
ఎలా ఉంది?
ఈ సినిమా మొత్తం ఒకే కాన్సెప్ట్ మీద నడుస్తుంది.
హీరోయిన్ను తాకితే షాక్ కొడుతుంది.
ఇది ట్రైలర్లో బాగానే అనిపించింది. కానీ సినిమాలో ఇదే పాయింట్ను పదే పదే తిప్పి చూపించడం వల్ల కొంతసేపటికే రిపీట్ ఫీలింగ్ మొదలవుతుంది.
ఇలాంటి కథల్లో బలమైన కామెడీ లేదా గట్టి ఎమోషన్ ఏదో ఒకటి తప్పనిసరిగా ఉండాలి. కానీ దర్శకుడు ఈ రెండింటినీ పూర్తిగా వాడుకోలేకపోయాడు.
మొదటి భాగంలో కొన్ని చోట్ల నవ్వులు వస్తాయి. అయితే అవి సినిమా మొత్తాన్ని నిలబెట్టే స్థాయిలో మాత్రం లేవు.
రెండో భాగం మరింత నెమ్మదిగా సాగుతుంది. అసలు కథలో ఉండాల్సిన కాన్ఫ్లిక్ట్ కూడా అంత బలంగా అనిపించదు.
హీరో 80 ఎకరాల ఆస్తి కోసం పెళ్లి చేసుకున్నానని చెప్పే ట్రాక్ కూడా అంతగా కన్విన్స్ చేయదు.
హీరోయిన్ సమస్య తెలిసిన తర్వాత కూడా అత్తింట్లో ఎవరూ దానిని సీరియస్గా తీసుకోకపోవడం కూడా లాజిక్కు దూరంగా ఉంటుంది.
మొత్తానికి మంచి ఐడియా ఉన్నా… దానికి తగ్గ స్క్రీన్ప్లే మాత్రం కనిపించదు.
ఎవరు ఎలా చేశారు?
తిరువీర్ తనకు ఇచ్చిన పాత్రను నిజాయితీగా చేయడానికి ప్రయత్నించాడు. కానీ పాత్రలో పెద్దగా ఎలివేషన్ లేకపోవడంతో అతని నటన కూడా చాలా చోట్ల సాధారణంగానే కనిపిస్తుంది.
ఐశ్వర్య రాజేష్కు పాత్ర కొత్తగా ఉన్నప్పటికీ, స్క్రీన్పై ఆశించినంత ప్రభావం చూపించలేకపోయింది. నటన పరంగా ఓకే అనిపిస్తుంది.
మురళీధర్ గౌడ్, ఝాన్సీ తమ అనుభవంతో కొన్ని సన్నివేశాలను నిలబెట్టారు.
ఆమని పాత్ర మాత్రం ఉన్నా లేనట్టే అనిపిస్తుంది.
టెక్నికల్గా
భరత్ మాచిరాజు సంగీతం పెద్దగా గుర్తుండదు.
బ్యాక్గ్రౌండ్ స్కోర్ ఓకే.
సి.హెచ్. కుషేందర్ సినిమాటోగ్రఫీ గ్రామీణ వాతావరణాన్ని బాగా చూపించింది.
ఎడిటింగ్ మాత్రం ఇంకాస్త క్రిస్ప్గా ఉండాల్సింది. ముఖ్యంగా రెండో భాగంలో చాలా ల్యాగ్ కనిపిస్తుంది.
దర్శకుడు భరత్ దర్శన్ మంచి కాన్సెప్ట్ను ఎంచుకున్నప్పటికీ, దాన్ని ఆసక్తికరమైన కథగా మార్చడంలో పూర్తిగా సక్సెస్ కాలేకపోయాడు.
Plus Points
- కొత్త కాన్సెప్ట్
- కొన్ని కామెడీ సన్నివేశాలు
- గ్రామీణ నేపథ్యం
Minus Points
- బలహీనమైన స్క్రీన్ప్లే
- ఎమోషన్ మిస్సింగ్
- లాజిక్ లేని సన్నివేశాలు
- నెమ్మదిగా సాగే రెండో భాగం
- గుర్తుండని పాటలు
చివరగా
Oh Sukumari వినడానికి కొత్త ఐడియాతో వచ్చిన సినిమా. కానీ కొత్త ఐడియా ఒక్కటే సరిపోదని మరోసారి నిరూపించింది.
కొన్ని నవ్వులు పంచినా… పూర్తి స్థాయిలో ఎంటర్టైన్ చేయలేకపోయింది.
ఈ సినిమాకు “Oh Sukumari” అనే టైటిల్ కంటే “Shockumari” అనే టైటిల్ పెట్టి ఉంటే ఇంకా బాగా సెట్ అయ్యేదేమో అనిపిస్తుంది.
