Yaswanthrao Rao
రాకింగ్ స్టార్ యష్ హీరోగా తెరకెక్కుతున్న ‘టాక్సిక్: ఎ ఫెయిరీ టేల్ ఫర్ గ్రోన్-అప్స్’ సినిమా నుంచి తాజాగా విడుదలైన ‘లేడీస్ & లేడీస్’ టీజర్ సోషల్ మీడియాలో వైరల్ అవుతోంది. ఈ టీజర్లో సినిమా కథను పూర్తిగా రివీల్ చేయకుండా, సినిమాలో కీలక పాత్రలు పోషిస్తున్న హీరోయిన్లను స్టైలిష్గా పరిచయం చేశారు.
ఈ టీజర్లో నయనతార, కియారా అద్వానీ, హుమా ఖురేషి, తారా సుతారియా, రుక్మిణి వసంత్ గ్లామరస్తో పాటు పవర్ఫుల్ లుక్స్లో కనిపించారు. ప్రతి పాత్ర వెనుక ఒక పెద్ద కథ దాగి ఉన్నట్లుగా విజువల్స్ను డిజైన్ చేశారు.
టీజర్లో యష్ స్క్రీన్ ప్రెజెన్స్ కూడా ప్రత్యేక ఆకర్షణగా నిలిచింది. అయితే ఈసారి పూర్తి ఫోకస్ మహిళా పాత్రలపైనే ఉండటంతో సినిమా కథలో వారి పాత్రలు ఎంత కీలకంగా ఉండబోతున్నాయనే ఆసక్తి అభిమానుల్లో పెరిగింది. దర్శకురాలు గీతూ మోహన్దాస్ ఈ చిత్రాన్ని స్టైలిష్ యాక్షన్ గ్యాంగ్స్టర్ డ్రామాగా రూపొందిస్తున్నారు.
అయితే టీజర్ విడుదలైన వెంటనే సోషల్ మీడియాలో మిక్స్ డ్ రెస్పాన్స్ కనిపించింది. కొందరు టీజర్ విజువల్స్, మేకింగ్, స్టార్ కాస్ట్ను ప్రశంసిస్తుండగా, మరికొందరు మహిళా పాత్రలపై అభ్యంతరాలు వ్యక్తం చేస్తున్నారు. ఈ అంశంపై సోషల్ మీడియాలో చర్చ సాగుతోంది.
ఇప్పటికే చాలాసార్లు పోస్ట్ పోన్ అయిన ఈ మూవీని ఆగస్టు 26, 2026న ప్రపంచవ్యాప్తంగా విడుదల చేయబోతున్నట్టు ప్రకటించారు. భారీ బడ్జెట్తో రూపొందుతున్న ఈ సినిమాపై ప్యాన్ ఇండియా స్థాయిలో బిగ్గెస్ట్ ఎక్స్ పెక్టేషన్స్ ఉన్నాయి.
‘లేడీస్ & లేడీస్’ టీజర్తో ‘టాక్సిక్’ సినిమాపై మరోసారి డిస్కషన్ మొదలైంది. మహిళా పాత్రలకు ఎంత ప్రాధాన్యం ఇచ్చారో సినిమా విడుదలైన తర్వాతే పూర్తి స్థాయిలో తెలుస్తుంది. అయితే టీజర్ మాత్రం ఆడియన్స్ లో ఇంట్రెస్ట్ క్రియేట్ చేయడంలో సక్సెస్ అయిందనే చెప్పాలి.
kalyan5023@gmail.com
