చెన్నై లవ్ స్టోరీ ట్రైలర్ రివ్యూ.. ఏముంది ఇందులో..?

ఏ కథైనా బలంగా రాసుకుంటారు మేకర్స్. అవి బలమైనవేనా కాదా అనేది తేల్చాల్సింది ప్రేక్షకులు. కొన్నిసార్లు రైటర్స్ తాము ఏదో ది బెస్ట్ ఇస్తున్నాం అని భావిస్తుంటారు. కానీ అవే చాలా బలహీనంగా ఉంటాయి అని ఆడియన్స్ కూడా భావిస్తుంటారు. అయితే ఈ కథ ప్రేక్షకుల ముందుకు తీసుకు రావడం ముందు ఇంపార్టెంట్. తర్వాత అది క్లాసిక్ అవుతుందా లేక కల్ట్ అవుతుందా అనేది తర్వాతి సంగతి. బట్ ఇలా సినిమా విడుదలకు ముందే తెగ బిల్డప్ ఇస్తున్న మూవీ ‘చెన్నై లవ్ స్టోరీ’. యస్.. వీళ్లకు అంత నమ్మకం ఉన్నట్టుగా కాకుండా ఇది కావాలనే జనాలపైకి రుద్దేస్తున్నారు అనిపించేలానే ఈ మూవీ ట్రైలర్ చూస్తే అర్థం అవుతుంది. చెన్నై లవ్ స్టోరీ ట్రైలర్ చూస్తే ఇదో సాధారణమైన కథలాగే కనిపిస్తోంది. ఓ తెలుగు కుర్రాడు చెన్నై వెళ్లి అక్కడ సినిమా ప్రయత్నాలు చేస్తుంటాడు. అప్పటికే మందుకు బానిస అయిన ఓ అమ్మాయితో అతనికి పరిచయం అవుతుంది. తర్వాత ఇద్దరూ కలిసి మాట్లాడుకుంటారు. మొదట అతను ఆమెను మందుకు మాన్పించే ప్రయత్నం చేస్తాడు. తర్వాత ఇద్దరూ ప్రేమలో పడతారు. కట్ చేస్తే ఆ లవ్ స్టోరీలో ఏదో ఇష్యూ. ఆ ఇష్యూ వల్ల సదరు హీరో బాగా డిస్ట్రబ్ అవుతాడు. ఆమె అతని కోసం ఆరాటపడుతుంది. అదే టైమ్ లో దానికంటే ముందే అతన్ని చాలా లైట్ తీసుకుంటుంది. సింపుల్ గా ఇదే ట్రైలర్. ఇతర పాత్రలను పెద్దగా ఎలివేట్ చేయకుండా ఇదో ఈ రెండు పాత్రల మధ్య ఉన్న ఓ సంఘర్షణ ఉన్నట్టుగా కనిపిస్తోంది. ఇలాంటి లవ్ స్టోరీస్ లో అలాంటి సంఘర్షణ చాలా చాలా కామన్. కాకపోతే వీరి మూవీలో ఆ కాన్ ఫ్లిక్ట్ వేరేలా ఉండొచ్చేమో. అంత మాత్రం చేత దీన్ని ఓ ‘కల్ట్ క్లాసిక్’అని రిలీజ్ కు ముందే డబ్బా కొట్టడం అస్సలు అంటే అస్సలు బాలేదు. ట్రైలర్ ను బట్టి చూస్తే ఇది ఓ సాధారణ రెగ్యులర్ లవ్ స్టోరీలాగానే ఉంది తప్ప కొత్తదనం అంటూ ఏమీ కనిపించడం లేదు అని ఖచ్చితంగా చెప్పొచ్చు. కిరణ్ అబ్బవరం, శ్రీ గౌరిప్రియ జంటగా నటించిన మూవీ ఇది. ఇక ఈ చిత్రానికి కథ, స్క్రీన్ ప్లే, నిర్మాతగా సాయి రాజేష్ గా కనిపిస్తున్నాడు. బట్ ఇప్పటి వరకు ఈ మూవీ దర్శకుడు అనేది మాత్రం చెప్పడం లేదు. ఒక వేళ మూవీ హిట్ అయితే సాయి రాజేష్ ఖాతాలో వేసుకుంటాడు.. తేడా కొడితే దర్శకుడిపై నెట్టేస్తుంటాడేమో చూడాలి. ఏదేమైనా ఇది ఓ సాధారణమైన కథ అని అర్థం అవుతుంది. దాన్ని దాటుకుని ఇది నిజంగా కల్ట్ క్లాసిక్ అని వీళ్లు పదే పదే చెబుతున్నారు అంటే ఏదో తేడా కొడుతోంది. కల్ట్ నా లేక క్లాసిక్ నా అనేది చెప్పాల్సింది ప్రేక్షకులు. అది మాత్రం వీళ్లు కొడుతున్న డబ్బాలు మాత్రం మర్చిపోవద్దు.