శర్వానంద్ భోగిపై లేటెస్ట్ అప్డేట్

శర్వానంద్, అనుపమ పరమేశ్వరన్, డింపుల్ హయాతి ప్రధాన పాత్రల్లో నటిస్తోన్న మూవీ భోగి. ఇదో పీరియాడికల్ బ్యాక్ డ్రాప్ లో సాగే మూవీ అని గతంలోనే ప్రకటించారు. సంపత్ నంది డైరెక్ట్ చేస్తోన్న మూవీ ఇది. శర్వానంద్ ఫస్ట్ డీ గ్లామర్ పాత్రలో కనిపించబోతున్నాడు. ఊరమాస్ లుక్ తో నటిస్తున్నాడు. ఈ కథ చాలా బలంగా ఉందని చాలామంది అనుకుంటున్నారు. ఖచ్చితంగా శర్వానంద్ ఇదో బిగ్ బ్లాక్ బస్టర్ అవుతుందని కూడా భావిస్తున్నారు.

సంపత్ నందికి పెద్ద హిట్ కావాలి

సంపత్ నంది ఈ మధ్య కాలంలో సరైన విజయాలు లేక కాస్త ఇబ్బంది పడుతున్నాడు. అయినా నిర్మాతగా మాత్రం కాస్త ఫర్వాలేదు అనిపించేలాంటి మూవీస్ చేస్తున్నాడు. ఆ మూవీస్ కంటెంట్ పక్కన పెడితే కమర్షియల్ గా మాత్రం బానే వర్కవుట్ అయ్యాయి. ఈ కారణంగా తను డైరెక్ట్ చేసిన మూవీస్ పోయినా ఇబ్బంది పడకుండా ఉంటున్నాడు. అయితే భోగి మూవీ విషయంలో సంపత్ నంది మాత్రం చాలా కేర్ తీసుకుంటున్నాడట. రీసెంట్ గా ఈ మూవీ రష్ మొత్తం శర్వానంద్ చూసి చాలా హ్యాపీగా ఫీలయ్యాడు.

భోగి అవుట్ పుట్ పై శర్వానంద్ హ్యాపీ

భోగి కంటెంట్ తో పాటు సంపత్ నంది టేకింగ్ పై శర్వానంద్ చాలా ఇంప్రెస్ అయ్యాడట.దీంతో సంపత్ నందికి మరో అవకాశం ఇవ్వబోతున్నాడు శర్వానంద్. భోగి చిత్రాన్ని ఆగస్ట్ 28న విడుదల చేయాలనుకున్నారు. కానీ ఇంకా షూటింగ్ బ్యాలన్స్ ఉండటంతో పాటు పోస్ట్ ప్రొడక్షన్ కూడా పూర్తి కాకపోవడం వల్ల ఈ చిత్రాన్ని వాయిదా వేశారు. కొత్త రిలీజ్ డేట్ ఎప్పుడు అనేది ఇంకా చెప్పలేదు కానీ ఇప్పటికైతే ఈ మూవీ పోస్ట్ పోన్ అయింది.

భోగి అందరికీ కీలకమే

ఏదేమైనా భోగిపై శర్వానంద్ చాలా కాన్ఫిడెంట్ గా ఉన్నాడు. సంపత్ నంది ఈ చిత్రంపై భారీ హోప్స్ పెట్టుకున్నాడు. అటు డింపుల్ హయాతి కాస్త నెగెటివ్ షేడ్ ఉన్న పాత్ర చేస్తోంది. అనుపమ పరమేశ్వరన్ కు కూడా ఈ మూవీ కీలకమే అవుతుందని చెప్పొచ్చు. మరి రిజల్ట్ తర్వాత ఎవరికి ఎంత మేలు జరుగుతుందో అనేది తెలుస్తుంది.