విజయ్ ‘జన నాయగన్’ జూలైలో విడుదల ఉంటుందా?

• Yaswanthrao Rao
• July 2, 2026

దళపతి విజయ్ ఫ్యాన్స్ చాలా ఇంట్రెస్టింగ్ గా చూస్తున్న ‘జన నాయగన్’ సినిమా విడుదలపై గత కొన్ని రోజులుగా అనేక ప్రచారాలు జరుగుతున్నాయి. ముఖ్యంగా సెన్సార్ సంబంధిత సమస్యల కారణంగా సినిమా మళ్లీ మళ్లీ వాయిదా పడుతూనే ఉంది. అయితే సెన్సార్ బోర్డు కొన్ని సన్నివేశాలు, డైలాగ్‌లపై అభ్యంతరాలు వ్యక్తం చేస్తూనే ఉందట. ముఖ్యంగా రాజకీయ నేపథ్యం ఉన్న కొన్ని సన్నివేశాలపై హాట్ డిబేట్స్ జరుగుతున్నాయి. అయితే మూవీ టీమ్ అవసరమైన మార్పులు చేయడానికి అంగీకరించిందని, అనంతరం సెన్సార్ ప్రక్రియ ముందుకు సాగినట్లు సమాచారం.
ఇక విడుదల విషయానికి వస్తే, ప్రస్తుతం సినిమా జూలైలోనే విడుదల చేసే దిశగా నిర్మాతలు సన్నాహాలు చేస్తున్నట్లు తమిళ సినీ వర్గాల్లో చర్చ జరుగుతోంది. థియేటర్ బుకింగ్స్, డిస్ట్రిబ్యూషన్ ప్లానింగ్ వంటి పనులు కూడా కొనసాగుతున్నాయని సమాచారం. అయితే అధికారిక రిలీజ్ డేట్‌ను చిత్రబృందమే ప్రకటించాల్సి ఉంది.

‘జన నాయగన్’పై భారీ అంచనాలు ఉండటానికి మరో ప్రధాన కారణం ఇది దళపతి విజయ్ నటిస్తున్న చివరి సినిమా కావడమే. రాజకీయాల్లో పూర్తిస్థాయిలో అడుగుపెట్టే ముందు విజయ్ నటించిన ఈ చిత్రం కావడంతో అభిమానులు దీనిని ప్రత్యేకంగా చూస్తున్నారు. ఇప్పుడు ఆయన సిఎమ్ అయ్యాడు.దీంతో జన నాయగన్ కు అన్నీ క్లియరెన్స్ లు వస్తాయని చాలామంది భావించారు. బట్ అలాంటిదేం జరగడం లేదు.అందుకే మూవీ రిలీజ్ డేట్ పై ప్రతి చిన్న వార్త కూడా సోషల్ మీడియాలో వైరల్ అవుతోంది.
ప్రస్తుతానికైతే సెన్సార్ నుంచి అన్నీ క్లియరెన్స్ లు వచ్చేస్తున్నాయి. కోలీవుడ్ లో సెన్సార్ ప్రాబ్లమ్ క్లియర్ కావడం మాత్రం గ్యారెంటీ అంటున్నారు. కాకపోతే హిందీ సెన్సార్ నుంచి క్లియరెన్స్ లు రావాల్సి ఉంది. ఇక మిగతా భాషల్లో ఎలాంటి ఇష్యూస్ వచ్చే అవకాశం లేదు. అందుకే జన నాయగన్ ఖచ్చితంగా ఈ నెలాఖరు వరకు విడుదల కావడం ఖాయం అని చెబుతున్నారు.