సుమంత్ ప్రభాస్, అనంతిక జంటగా నటించిన రోమాంచికం మూవీ రివ్యూ

రివ్యూ : రోమాంచికం

ఆర్టిస్ట్స్ : సుమంత్ ప్రభాస్, అనంతిక, ఉపేంద్ర లిమాయే, నరేంద్ర రవి, మహి, వెంకటేష్ కాకుమాను, సాయి సోహన్ తదితరులు
ఎడిటర్ : వేణు గోపాల్ రెడ్డి
సంగీతం : వాసుకి వైభవ్
సినిమాటోగ్రఫీ : పవన్ పప్పుల
నిర్మాత : ప్రణయ్ రెడ్డి వంగా
దర్శకత్వం : గోపాల్ రెడ్డి

రోమాంచికం.. ఈ మూవీపై మంచి బజ్ ఏర్పడింది. అందుకు కారణం దర్శకుడు సందీప్ రెడ్డి వంగా నిర్మించిన మూవీ కావడమే. సందీప్ రెడ్డి ఫస్ట్ టైమ్ తన బ్యానర్ లో బయటి మూవీ చేయడం. సుమంత్ ప్రభాస్, అనంతిక జంటగా నటించిన ఈ మూవీ బజ్ కు
సందీపే అనేది వాస్తవం. ప్రమోషన్స్ మరీ భారీగా చేయకుండా ఇవాళ(03.09.2026)విడుదలైన ఈ మూవీ ఎలా ఉంది అనేది చూద్దాం.

కథ :
అన్వేష్(సుమంత్ ప్రభాస్) ఓ ఆవారా కుర్రాడు. చదువు తర్వాత ఫ్రెండ్స్ తో చిల్ అవుతుంటాడు. అలాగే తను సొంతంగా ఓ స్టార్టప్ కంపెనీని స్టార్ట్ చేయాలని రోమాంచికం అనే పేరుతో ఓ యాప్ రెడీ చేస్తాడు. దీని ద్వారా యూత్ అంతా ఒకరికి తెలియకుండా పరిచయం అవుతుంటారు. తర్వాత వారికి ఐడియాస్ నచ్చితే ప్రేమలో పడటమో లేక మరోదైనా చేస్తుంటారు అనేది అతని కాన్సెప్ట్.ఆ యాప్ లోనే పరిచయం అయిన చెన్నై అమ్మాయి మైథిలీ(అనంతిక). మెల్లగా ఇద్దరూ మాట కలుపుకుంటారు. తర్వాత ప్రేమలో పడతారు. మైథిలీ బర్త్ డే అని చెన్నై వెళతాడు అన్వేష్. ఇద్దరూ కలుద్దాం అనుకుంటారు. టైమ్ కూడా ఫిక్స్ అవుతుంది. సడెన్ గా మైథిలీ.. అన్వేష్ ని బ్లాక్ చేస్తుంది. అసలేం జరిగిందో తెలియక అన్వేష్ పిచ్చివాడవుతుంటాడు. ఫ్రెండ్స్ తో గాయ్ గాయ్ గా మాట్లాడ్డం.. తిరగడం చేస్తుంటాడు.
కొంత కాలం తర్వాత సడెన్ గా మైథిలీ తను అతనికి సారీ చెబుతూ.. తను హైదరాబాద్ వస్తున్నా అని చెబుతుంది. వస్తుంది కూడా. ఇద్దరూ కలిసి ఓ ఫ్రెండ్ ఫ్లాట్ తీసుకుంటారు. ఈలోగా అన్వేష్ ఫ్రెండ్ కోసం బయటకు వెళ్లి వస్తాడు. కట్ చేస్తే మైథిలీ మళ్లీ కనిపించదు. మళ్లీ బ్లాక్ చేస్తుంది. అప్పటికే మైథిలీ చాలా సెన్సిటివ్ అని తనకు సూ సైడ్ ఆలోచనలు వస్తుంటాయి అని చెబుతుంది. అక్కడి నుంచి అన్వేష్ లైఫ్ చాలా గందరగోళం అవుతుంటుంది. అసలు మైథిలికి ఏం జరిగింది అని రోజంతా నానా తంటాలు పడతాడు. మరి ఆ తర్వాత ఏం జరిగింది. మైథిలీ అలా ఎందుకు చేస్తుంది. అసలు ఇద్దరూ కలుస్తారా.. అనేది సినిమా చూడాల్సిందే.

ఎలా ఉంది :
రోమాంచికం.. ఇది ఓ రెగ్యులర్ మూవీ కాదు. కథలో డెప్త్ ఉండదు. కంటెంట్ లో కంటిన్యూటీ ఉండదు. సంఘర్షణలూ ఏమీ ఉండవు. దీంతో ఇదేం మూవీ అనుకుంటారేమో. అలా ఏం కాదు. ఇందులో బలమైన కథ లేదు. కానీ కథనంతో కట్టి పడేస్తారు. ముఖ్యంగా హీరో చుట్టూ ఉన్న పాత్రలు మాత్రం హైలెట్ గా కనిపిస్తుంటాయి. ముఖ్యంగా ఇది ఓ క్రేజీ క్రేజీగా సాగే సినిమా. ఫుల్ ఫన్ రైడ్ లా ఉంటుంది. సినిమా అంతా ఆడియన్స్ ను నవ్వించడమే టార్గెట్ గా కనిపిస్తుంది. ఈ క్రమంలో చాలా సార్లు నవ్విస్తారు కూడా. అందుకే ఇది రెగ్యులర్ మూవీగా కాదు.. జస్ట్ ఓ ఫన్ రైడ్ లా కనిపిస్తుంది.
సుమంత్ ప్రభాస్ పేరుకు హీరో. కానీ మన తెలుగు సినిమాల్లో హీరోలు వారి ఫ్రెండ్స్ ను ఎలా ట్రీట్ చేస్తుంటాం కదా.బట్ ఇందులో అందుకు భిన్నంగా ఉంటుంది. హీరోతో పాత్రతో సమానంగా ఫ్రెండ్స్ పాత్రలు ఉంటాయి. వారంతా హీరోను ఓ రేంజ్ లో ఆడుకుంటారు. అసలు స్నేహితులు అంటే వీళ్లు కదా అనిపిస్తారు. అంతే కానీ హీరో కాబట్టి అతని పాత్రను హైలెట్ చేయడం ఫ్రెండ్స్ అందరినీ బకరాలు చేయడం అస్సలు కనిపిందు ఈ మూవీలో. ఆ ఫ్రెండ్స్ లో నరేంద్ర రవి పాత్ర మాత్రం అద్దిరిపోతుంది. కొన్నిసార్లు అతి అనిపించినా అతని క్యారెక్టరైజేషన్ అలాగే ఉంటుంది.
మొత్తం ఐదుగురు స్నేహితులు. ఇద్దరు ఉద్యోగం చేస్తుంటారు. మిగతా ముగ్గురూ స్టార్టప్ యాప్ డెవలప్ చేస్తున్నాం అనే భ్రమలో లైఫ్ ను ఈజీగా తీసుకుంటారు. ఇక సుమంత్ ప్రభాస్.. అనంతికతో ప్రేమలో పడిన తర్వాత కూడా మిగతా స్నేహితులు రెగ్యులర్ గానే బిహేవ్ చేస్తుంటారు. ఇది ఓ రకంగా తెలుగు సినిమాకే కొత్తదనం అని చెప్పాలి. ఇక్కడ సీన్స్ కాస్త డల్ అవుతున్నాయి అనిపించిన వెంటనే అదిరిపోయే ఫన్నీ సీన్ వస్తుంటుంది. ఇదో రకమైన రైటింగ్ అనిపిస్తుంది. ఎలా చూసినా ఇది జెన్ జికి, యూత్ కి బాగా కనెక్ట్ అయ్యే కంటెంట్ అని బలంగా చెప్పొచ్చు.

నెగెటివ్ పాయింట్స్

కేవలం కామెడీ గ్యాంగ్ పై మాత్రమే ఫోకస్ చేశారు. యాప్ మేటర్ మొదటి సీన్ కే పరిమితం అయింది. చాలా చోట్ల స్లోగా సాగుతుంది. చాలా లాజిక్స్ ను పక్కన పెట్టారు. ఇవి మైనస్ లుగా కనిపిస్తాయి. అలాగే ఇది మిడిల్ ఏజ్ తో పాటు ఆపై వయసున్న ఆడియన్స్ కు కనెక్ట్ కావడం దాదాపు ఇంపాజిబుల్.
నటన పరంగా చూస్తే.. సుమంత్ ప్రభాస్ బాగా చేశాడు. అమాయకత్వం, బలుపు, తెలియని తనం అన్ని మిక్స్ చేసిన పాత్రలో బాగా ఆకట్టుకున్నాడు. అనంతిక క్యూట్ గా ఉంది. నటనా బావుంది. ఫ్రెండ్స్ పాత్రల్లో నరేంద్ర రవి ఇరగ్గొట్టాడు. తన టైమింగ్, స్లాంగ్ లో నేచురాలిటీ ఉన్నాయి. ఉపేంద్ర లిమాయే పోలీస్ పాత్రలో బాగా నవ్వించాడు. ఫ్రెండ్స్ పాత్రల్లో వెంకటేష్ కాకుమాను, మణి ఎరిగల, సాయి సోహన్ అందరూ అదరగొట్టారు. ఇతర పాత్రలకు పెద్దగా ప్రాధాన్యత లేదు.

టెక్నికల్ గా :
వాసుకి వైభవ్ అందించిన సంగీతం వినసొంపుగా ఉంది. పాటలన్నీ చాలా బావున్నాయి. నేపథ్య సంగీతం కూడా చాలా బావుంది. లిమిటెడ్ లొకేషన్స్ లో పవన పప్పుల సినిమాటోగ్రఫీ చాలా బ్యూటీఫుల్ గా క్యాప్చర్ చేశాడు. కాస్ట్యూమ్స్ బావున్నాయి. డైలాగ్స్ బావున్నాయి. ప్రొడక్షన్ వాల్యూస్ రిచ్ గానే ఉన్నాయి.
దర్శకుడు వేణు గోపాల్ రెడ్డి రాసుకున్న కథను పక్కాగా తెరకెక్కించాడు. కొన్ని సీన్స్ లో నాన్ స్టాప్ గా నవ్వించే ప్రయత్నం చేశాడు. కానీ లాజిక్స్ అన్నీ పక్కన పెట్టాడు.

ఫైనల్ గా : రోమాంచికం – బాగా నవ్వించిన ప్రయత్నం
రేటింగ్ : 2.75/5
K.Y.R