రవితేజ బ్లాక్ బస్టర్ కొట్టేశాడు

రవితేజ హీరోగా కొన్నాళ్లుగా సరైన ట్రాక్ లో లేడు. వరుసగా ఫ్లాపులే వచ్చాయి. డిఫరెంట్ జానర్స్ మార్చినా తన మాస్ మహరాజ్ ట్యాగ్ ను మాత్రం వదులుకోలేకపోయాడు. అది కూడా ఓ మైనస్ గా మారింది. ఓ దశలో రవితేజ మూవీనా అంటూ ఫ్యాన్స్ కూడా లైట్ తీసుకున్నారు. ఆ టైమ్ లో వచ్చిన మూవీ ఇరుముడి. శివ నిర్వాణ డైరెక్షన్ లో వచ్చిన ఈ మూవీ మొదటి రోజుకే బ్లాక్ బస్టర్ టాక్ వచ్చింది.
రవితేజకు చాలాకాలం తర్వాత వచ్చిన బ్లాక్ బస్టర్ ఇరుముడి. వసూళ్ల పరంగా చూస్తే మాత్రం ఓ రేంజ్ లో కలెక్షన్స్ కనిపిస్తున్నాయి. మొదటి రోజే ఏకంగా 24 కోట్లు వచ్చాయి. ఈ స్థాయి వసూళ్లు రాక దాదాపు ఐదేళ్లు అవుతోంది అంటే అతిశయోక్తి కాదు.

రవితేజ విజయం అంత ఈజీగా రాలేదు

మరి ఈ విజయం అంత ఈజీగా వచ్చిందా అంటే కాదు. ఈ హిట్ వెనక రవితేజ కృషి ఉంది.. అంటే నమ్ముతారా.. లేదు. కేవలం అతని కృషి మాత్రమే కాదు. దర్శకుడి విజన్. ఆ విజన్ కు తగ్గట్టుగా రవితేజ ఆ పాత్ర కోసం తనను తాను మలచుకున్నాడు. ముఖ్యంగా మాస్ మహరాజ్ అనే ట్యాగ్ అస్సలు ఈ పాత్రలో కనిపించకుండా చేశాడు.

రవితేజ నటన మెయిన్ హైలెట్

రవితేజ ఇరుముడిలో చేసిన నటన ఈ మధ్య కాలంలో ఎవ్వరూ చూడలేదు. చాలా సెటిల్డ్ గా, త్రినాథ్ పాత్ర దాటి ఎక్కడా కనిపించకపోవడం వల్లే ఈ విజయం సాధ్యం అయింది. ఏ ఫ్రేమ్ లో కూడా ఓవర్ యాక్షన్ కనిపించకుండా ఆ పాత్రను పూర్తిగా ఓన్ చేసుకున్నాడు. అందులో పూర్తిగా లీనం అయిపోయాడు. అందుకే ఇవాళ చూసిన ప్రతి ప్రేక్షకుడు కూడా రవితేజ నటన అద్భుతం అని ప్రశంసిస్తున్నారు.

డిఫరెంట్ డైమన్షన్స్ లో రవితేజ నటన

అయ్యప్ప మాలలో చాలా నిష్టగా ఉంటాడు. అలాగే తాగుబోతుగానూ, ఆటో డ్రైవర్ గానూ, కుటుంబం పట్ల చాలా ప్రేమ చూపించే వ్యక్తిగానూ, కూతురు చనిపోయిన తర్వాత అతనిలో కనిపించిన ఓ అద్భుతమైన నటన మరో స్థాయిలో ఉన్నాయి. అందుకే ఈ మూవీ చాలామందికి చాలా బాగా నచ్చింది. ఏదేమైనా కథలో విషయం ఉంటే ఆ నటులు ప్రాణం పెడతారు అందుకు ఖచ్చితమైన ఉదాహరణ రవితేజ. రవితేజ ఇరుముడితో చేసింది ఇదే.