ఇంద్ర పుత్రగా కిరణ్ అబ్బవరం

కిరణ్ అబ్బవరం రేంజ్ మారబోతోందా అంటే అవుననే అనాల్సి వస్తోంది. ఈ మధ్య వరుస విజయాలు అందుకుంటున్నాడు. క, కే ర్యాంప్, చెన్నై లవ్ స్టోరీ మూవీస్ తో హిట్స్ కొట్టాడు. చెన్నై లవ్ స్టోరీ అయితే కెరీర్ లోనే హయ్యొస్ట్ కలెక్షన్స్ అందుకున్నాడు. ప్రస్తుతం కిరణ్ అబ్బవరం తనే దర్శకత్వంలో ఓ మూవీ చేస్తున్నాడు. అంటే తనే హీరో, దర్శకత్వం కూడా చేస్తున్నాడు. ఈ టైమ్ లో ఓ క్రేజ్ అప్డేట్ వచ్చేసింది.

కిరణ్ అబ్బవరం రేంజ్ మారుతోందా..

కిరణ్ అబ్బవరం నుంచి వచ్చిన అప్డేట్ చూసి చాలామంది ఆశ్చర్యపోతున్నారు. తన రేంజ్ ను మార్చుకునే క్రమంలోనే ఈ మూవీ చేయబోతున్నాడా అనే టాక్ వినిపిస్తోంది. లేదంటే ఈ కథ అతనికే సూట్ అవుతుందని భావించే సదరు దర్శకుడే అతని వరకు వెళ్లాడా అనే చర్చలు కూడా సాగుతున్నాయి. ఇంతకీ ఈ అప్డేట్ ఏంటీ అంటే.. కిరణ్ అబ్బవరం హీరోగా ఓ మైథలాజికల్ మూవీ రూపొందబోతోంది. ఈ చిత్రానికి ‘ఇంద్ర పుత్ర’అనే టైటిల్ కూడా ఫిక్స్ చేశారు. ఈ ఇంద్ర పుత్రకు శ్రీకాంత్ పుప్పాల దర్శకుడు.

డెబ్యూ డైరెక్టర్ గా శ్రీకాంత్ పుప్పాల

శ్రీకాంత్ పుప్పాల అంటే ఇంతకు కాంతార 1 చిత్రానికి అసిస్టెంట్ డైరెక్టర్ గా పనిచేశాడు. అంతకు ముందు కూడా చాలా సినిమాలకు అసిస్టెంట్ డైరెక్టర్ గా పని చేసిన అనుభవం ఉన్నవాడు. దర్శకుడుగా అతని ఫస్ట్ మూవీతోనే మైథలాజికల్ అంటే పెద్ద విషయమే. అది కూడా కిరణ్ అబ్బవరంతో అంటే కాస్త ఆశ్చర్యంగా ఉంది. అదే టైమ్ లో కిరణ్ అబ్బవరం రైట్ ఛాయిస్ అనేలా కూడా ఉంది.

2027లోనే ఇంద్ర పుత్ర విడుదల

మరో విశేషం ఏంటంటే.. ఈ ఇంద్ర పుత్ర చిత్రాన్ని 2027లోనే విడుదల చేయబోతున్నారు. ఈ చిత్రాన్ని ప్రపంచవ్యాప్తంగా జీ స్టూడియోస్ విడుదల చేయబోతుండటం మరో విశేషం. ఏదేమైనా కిరణ్ అబ్బవరం రేంజ్ ఈ మూవీతో మరో స్థాయికి వెళ్లడం ఖాయంగా కనిపిస్తోంది.