సూర్య మూవీకి ప్రమోషన్స్ ఏవీ..?

సూర్య హీరోగా నటించిన మూవీ విశ్వనాథ్ అండ్ సన్స్. వెంకీ అట్లూరి డైరెక్ట్ చేసిన ఈ మూవీ సితార ఎంటర్టైన్మెంట్ బ్యానర్ పై నాగ వంశీ నిర్మించాడు. మమితా బైజు ఫీమేల్ లీడ్ గా నటించింది. రాధిక, రవీనాటాండన్ కీలక పాత్రల్లో నటించారు. విశ్వనాథ్ అండ్ సన్స్ ఈ నెల 14న విడుదల కాబోతోంది. మామూలుగా స్టార్ హీరోల మూవీస్ అంటే ప్రమోషన్స్ లో స్ట్రాంగ్ గా ఉంటాయి. బట్ విశ్వనాథ్ అండ్ సన్స్ విషయంలో ఇది కనిపించడం లేదు.

హిట్ లేక ఇబ్బంది పడుతున్న సూర్య

సూర్య అంటే తెలుగు వారికి కూడా బాగా ఇష్టమైన హీరో. బట్ కొన్నాళ్లుగా సరైన హిట్ లేక ఇబ్బంది పడుతున్నాడు సూర్య. రీసెంట్ గా అతను కరుప్పుతో కెరీర్ లోనే హయ్యొస్ట్ కలెక్షన్స్ సాధించాడు. బట్ ఇదే చిత్రాన్ని తెలుగులో వీరభద్రుడుగా డబ్ చేస్తే తెలుగులో ఎవరూ పట్టించుకోలేదు. ఇలాంటి టైమ్ లో వస్తున్నాడు అంటే కాస్త ప్రమోషన్స్ విషయంలో ఎక్కువ కాన్ సెంట్రేట్ చేయాల్సి ఉంది.

నాగ వంశీ సెలెన్స్ వెనక కారణం

నాగ వంశీ విషయంలో కాస్త ఇది కాస్త అతిశయోక్తిలాగా కనిపిస్తుంది. అతను ఇలాంటివి పెద్దగా పట్టించుకోడు అనే భావన చాలామందిలో ఉంది. కంటెంట్ లో విషయం ఉంటే కాసులు అవే వస్తాయి అనుకుంటాడు. బట్ అసలు ఈ కంటెంట్ ఆడియన్స్ వరకు బలంగా వెళ్లాలి కదా. అలా వెళ్లలేదు కాబట్టే ఈ మూవీ గురించి సాధారణ జనం గురించి పెద్దగా పట్టించుకోవడం లేదు అనేది వాస్తవం.

మమితా బైజు హైలెట్ అవుతుందా..

విశ్వనాథ్ అండ్ సన్స్ ట్రైలర్ మాత్రం చాలా వరకూ బావుంది అనే చెప్పాలి. అలాగని మాస్ ఎలిమెంట్స్ మాత్రం అస్సలు లేవు. ఓ రెగ్యులర్ ఫ్యామిలీ డ్రామాలాగా ఉంది. అయినా ఇందులో ఆకట్టుకునే అంశాలు అంటే మమితా బైజునే చెప్పాలి. తను మాంచి చబ్బీ గాళ్ గా కనిపిస్తోంది. అలాగే చాటర్ బాక్స్ లాగా ఉంది. అయితే సూర్యతో వయసులో చాలా చిన్నది అయినా మమితా బైజు సూర్యతో ప్రేమలో పడుతుంది. ఇదే ఈ మూవీలో ప్రధానమైన కాన్ ఫ్లిక్ట్ లాగా ఉంది. మరి ఈ కాన్ ఫ్లిక్ట్ ను దాటుకుని ఈ ఇద్దరూ కలుస్తారా లేక సూర్యకు జోడీగా మరో పాత్ర ఉంటుందా లేదా అనేది చూడాలి.

విశ్వనాథ్ అండ్ సన్స్ హిట్ అవుతుందా..

ఏదేమైనా ఇలాంటి స్టార్ మూవీస్ ప్రమోషన్స్ విషయంలో ఇంకాస్త బలమైన ఫోకస్ ఉంటే బావుంటుంది. అయినా ఇవన్నీ దాటుకుని విశ్వనాథ్ అండ్ సన్స్ విజయం సాధిస్తే అదో పెద్ద విషయం అనే చెప్పాలి.