టాక్సిక్ మూవీ ట్రైలర్ ఎలా ఉంది

యశ్ హీరోగా నటించిన టాక్సిక్ మూవీ ట్రైలర్ విడుదలైంది. ఈ ట్రైలర్ కోసం దేశవ్యాప్తంగా ఉన్న కేజీఎఫ్ లవర్స్ అంతా ఈగర్ గా వెయిట్ చేస్తున్నారు. ఈ మూవీ ఈ నెల 26న విడుదల కాబోతోంది. ప్యాన్ ఇండియా మూవీ కాబట్టి ప్రమోషన్స్ కోసం ముందుగానే ట్రైలర్ విడుదల చేశార. ఈ ట్రైలర్ చూడగానే ఒక్కటే మాట అనిపిస్తోంది. ఎక్స్ ల్లెంట్.. ఎక్స్ ల్లెంట్.. ఎక్స్ ల్లెంట్.. దట్సిట్. ఈ రేంజ్ విజువల గ్రాండియర్ ను టాక్సిక్ నుంచి ఎవరూ ఎక్స్ పెక్ట్ చేసి ఉండరు.

లేడీ డైరెక్టర్ అంటే నమ్మేలా లేదు టాక్సిక్ ట్రైలర్

దర్శకురాలు గీతూ మోహన్ దాస్ రూపొందించిన సినిమా ఇది. మామూలుగా ఇండియాలో లేడీ డైరెక్టర్స్ అంటే వాళ్లు ఎంచుకునే కథలు ఒక రకంగా ఉంటాయి. విమెన్ సెంట్రిక్ లేదంటే హీరో సెంట్రిక్. బట్ టాక్సిక్ చూస్తే వాల్డ్ ఆడియన్స్ సెంట్రిక్ గా ఉండబోతోంది అనిపించేలా ఉంది గీతూ మోహన్ దాస్ టేకింగ్ అండ్ మేకింగ్.

యశ్ రేంజ్ నెక్ట్స్ లెవల్ కాబోతోందా

యశ్ గతంలో చేసిన కేజీఎఫ్ తో మాస్ ను విపరీతంగా మెప్పించాడు. కేజీఎఫ్ కంటే ముందు యశ్ ను కన్నడ వాళ్లే మాగ్జిమం టైర్ టూ హీరోగానే తీసుకున్నారు. కేజీఎఫ్ తర్వాత దేశవ్యాప్తంగా తిరుగులేని క్రేజ్ సంపాదించుకున్నాడతను. ఆ కారణంగానే తన నెక్ట్స్ మూవీ కోసం చాలా గ్యాప్ తీసుకున్నాడు. అలాంటిది ఓ మహిళా దర్శకురాలితో అనగానే చాలామంది కామెంట్స్ చేశారు. కొందరు విమర్శించారు. బట్ కామెంట్స్ కు, విమర్శలకు టాక్సిక్ మూవీ సమాధానం చెప్పింది అనేది వాస్తవం.

గ్యాంగ్ స్టర్ గా యశ్

యశ్ క్యారెక్టర్ ను చూస్తే ఓ పెద్ద గ్యాంగ్ స్టర్ లాగా ఉన్నాడు. అలాగే ప్లే బాయ్ పాత్రలాగానూ కనిపిస్తోంది. కనిపించిన అమ్మాయితో శారీరకంగా కలవడం.. అంతే కానీ వారితో మానసికంగా దగ్గరవడం లాంటివేం అతని లైఫ్ లో ఉండదు. అలాంటిది ఓ సర్కస్ లో డ్యాన్స్ చేసే కియారా అద్వానీని చూడగానే కూడా అలాగే ‘ఎంత అంటాడు’.. దానికి ఆమె మొహం మీద ఉమ్మేస్తుంది. ఈ రెండు పాత్రల మధ్య ఉన్న ఈ కాంట్రాస్ట్ అద్భుతంగా ఉందనేది తెలుస్తుంది. అలాగే నయనతార మనం ఈ సిటీని ఏలాలి అంటుంది. తర్వాత తను విలన్స్ చేతిలో గన్ పాయింట్ లో కనిపిస్తోంది.

గన్ పాయింట్ లో కూడా పవర్ ఫుల్ గా

అదే గన్ పాయింట్ లో యశ్ ను కూడా ఉంచుతారు విలన్స్. అతనితో నీ చివరి కోరిక ఏంటీ అని అడుగతారు విలన్స్. దానికి ఆ గ్యాంగ్ కు లీడర్ గా ఉన్న మనిషితో ‘నీ తమ్ముడిని చంపేసి బూడిద చేసి ఆ బూడిద చూసి ఉఫ్’అనడమే నా చివరి కోరిక అంటాడు. అదీ చాలామంది గన్ పాయింట్ లో. అదీ మాస్ ను ఎలివేట్ చేసే విధానం. అలాగే రుక్మిణి వసంత్ అతని ఇంటికి వెళుతుంది. అప్పుడు అతను పూర్తి నగ్నంగా నిలుచుని ఉంటాడు. దానికి ఆమె ‘కాస్త సివిలైజ్డ్ కన్వర్జేషన్ చేసుకుందామా’ అంటుంది. దానికి అతను ‘నేను సివిలైజ్డ్ గా ఉన్నానా’అంటాడు. ఇలాంటివి సినిమాలో ఇంకా చాలానే ఉంటాయి అనిపించేలా ఉంది.

అన్ని పాత్రలలు సమస్థాయిలో

ఏదేమైనా టాక్సిక్ ట్రైలర్ చూస్తే నయనతార, కియారా అద్వానీ, హ్యూమా ఖురేషీ, రుక్మిణి వసంత్, తారా సుతారియా లాంటి వారి పాత్రలు కూడా సరిగ్గా ఉండేలా డిజైన్ చేసినట్టుగా ఉంది దర్శకురాలు. ఆ క్యారెక్టర్స్ అన్నిటికీ సమపాళ్లలో ఇంపార్టెన్స్ ఇచ్చినట్టుగానే ఉందని అర్థం అవుతోంది.
ఏదేమైనా టాక్సిక్ ట్రైలర్ మాత్రం ఎక్స్ ట్రార్డినరీగా ఉంది అనే మాట కూడా చిన్నగానే ఉంటుంది. మరి ఈ నెల 26న విడుదల కాబోతోన్న ఈ మూవీ రిలీజ్ తర్వాత ఇంకెన్ని సంచలనాలు సృష్టిస్తుందో చూడాలి.