రవితేజ ఇరుముడి మరో పాట

మాస్ మహరాజ్ రవితేజ హీరోగా నటించిన మూవీ ‘ఇరుముడి’. శివ నిర్వాణ డైరెక్ట్ చేస్తున్న మూవీ ఇది. ఈ నెల 21న విడుదల కాబోతోంది. అయితే ఈ మూవీపై ముందు నుంచి చాలా పాజిటివ్ వైబ్స్ కనిపిస్తున్నాయి. ముఖ్యంగా రవితేజ తన ఇమేజ్ కు పూర్తి భిన్నమైన కంటెంట్ తో వస్తున్నాడు అనిపించేలా ఉంది. ప్రియా భవానీ శంకర్ హీరోయిన్ గా బేబీ నక్షత్ర కీలకమైన పాత్రలో నటించారీ చిత్రంలో.

అయ్యప్ప మాల పాట కంటే భిన్నంగా

రవితేజ ఇరుముడి నుంచి తాజాగా మరో పాట విడుదల చేశారు. ఫస్ట్ సాంగ్ అయితే అయ్యప్ప మాలలో రవితేజ చేసిన హడావిడీగా సాగే గీతంగా ఉంది. అయితే ఈ పాట అందుకు భిన్నంగా ఉంది. రవితేజ ఓ ఆటో డ్రైవర్ గా కనిపిస్తున్నాడు. ‘యాలాలో యాలాలో ఎన్నెట్లో ఎన్ని ముచ్చటలో.. ’అంటూ సాగే ఈ పాటలో పల్లవిలోనే ‘అమ్మతో దాపరికం.. నాన్నతో రాచరికం.. మా ఇంటి ప్రేమరికం చూడాలి ఈ లోకం’ అంటూ వినిపించిన పదాలు చాలా చాలా బావున్నాయి.

రవితేజ తాగుబోతు పాత్రలో

ఇక పాటలో వచ్చే సన్నివేశాలు చూస్తుంటేనే ఈ చిత్రంలో రవితేజ పాత్ర చాలా వరకు దిగువ మధ్యతరగతి వాడిగా కనిపిస్తాడు అని తెలుస్తుంది. దీనికి తోడు భార్యకు తెలియకుండా పొద్దు పొద్దునే మందు తాగడం మొదలు పెడతాడు రవితేజ. చూస్తుంటే తాగుబోతులంతా ఇలా అయ్యప్ప మాలలు వేసుకుంటారు అనిపించేలా ఉన్నారు.
ఏదేమైనా రవితేజ కెరీర్ లో ఇదో స్పెషల్ మూవీ అవుతుందా అంటే అవుననే చెప్పాలేమో అనేలా ఉంది. శివ నిర్వాణ అంటే ఫ్యామిలీ ఎమోషన్స్ ను బలంగా రాసుకుంటాడు. వాటిని ప్రెజెంట్ చేసే విధం కూడా చాలా బావుంటుంది. మరి ఇలా దిగువ మధ్యతరగతి హీరోతో ఇలాంటి సెంటిమెంట్స్ ను రంగరించడం మాత్రం మరో స్థాయిలో ఉండబోతోంది అనిపించేలా ఉంది.

జి.వి. ప్రకాష్ కుమార్ సంగీతం

ఇక జి.వి. ప్రకాష్ కుమార్ సంగీతం అందిస్తోన్న ఈ చిత్రానికి అనంత శ్రీరామ్ రాశాడు. హేషమ్ అబ్దుల్లా వాహబ్ ఈ పాటను పాడటం విశేషం. అతనితో పాటు సాధిక కే.ఆర్ పాడింది.