జన నాయగన్ మూవీ రివ్యూ
ఆర్టిస్ట్స్ : విజయ్, పూజాహెగ్డే, బాబీ డియోల్, మమితా బైజు, ప్రకాష్ రాజ్, ప్రియమణి, రేవతి, సునిల్ తదితరులు
ఎడిటర్ : ప్రదీప్ ఇ రాగవ్
సంగీతం : అనిరుద్ రవిచందర్
సినిమాటోగ్రఫీ : సత్యన్ సూర్యన్
నిర్మాత : వెంకట్ కే నారాయణ
కథ : అనిల్ రావిపూడి
దర్శకత్వం : హెచ్. వినోద్
దళపతి విజయ్ లాస్ట్ మూవీ అనే ట్యాగ్ తో మొదలైంది జన నాయగన్.భారీ పబ్లిసిటీ వచ్చింది. అందుకు కారణం అతను రాజకీయాల్లోకి వెళుతుండటమే. ఈ యేడాది జనవరి 9నే విడుదల కావాల్సిన మూవీ ఇది. కానీ సెన్సార్ కారణంగా వాయిదా వేశారు. ఆ వాయిదా వేస్తూనే వచ్చారు.
కట్ చేస్తే విజయ్ ఎన్నికల్లో నిలుచున్నాడు. ఏకంగా ఎవరూ ఊహించని విధంగా ముఖ్యమంత్రి కూడా అయిపోయాడు. ఆ తర్వాతైనా ఇమ్మీడియొట్ గా జన నాయగన్ విడుదలవుతుంది అనుకున్నారు. కానీ అలా జరగలేదు. విజయ్ ముఖ్యమంత్రి అయిన తర్వాత మూడు నెలలకు కానీ దీనికి మోక్షం రాలేదు. తెలుగులో అనిల్ రావిపూడి డైరెక్షన్ లో బాలకృష్ణ హీరోగా వచ్చిన భగవంత్ కేసరికి రీమేక్ గా వచ్చిన జన నాయగన్ ఎలా ఉంది అనేది ఈ రివ్యూలో చూద్దాం.
కథ
వెట్రి(విజయ్)జైలులో ఉంటాడు. అక్కడ అతన్ని చంపడానికి చాలామంది ప్రయత్నాలు చేస్తుంటారు. కానీ అతను వాటిని తిప్పి కొడుతుంటాడు. ఓ సారి అదే జైలులో ఉండే ఓ బిజినెస్ మేన్ ను చంపడానికి చాలామంది జైలుకు వస్తారు. వారిని కూడా వెట్రి ఎదురిస్తాడు. ఈ క్రమంలో ఓ జైలర్( గౌతమ్ మీనన్) తో పరిచయం ఏర్పడుతుంది. ఆ జైలర్ వెట్రి గతం గురించి తెలుసుకుని అతనికి సాయం చేస్తాడు. దీంతో అతన్ని సస్పెండ్ చేస్తారు. తీరా వెట్రి బయటకు వచ్చాక అతన్ని కలుస్తాడు. ఆ జైలర్ కూతురుతో అప్పటికే వెట్రికి స్నేహం ఉంటుంది. ఓ ప్రమాదంలో జైలర్ చనిపోతాడు. దీంతో ఆ పాప బాధ్యతను వెట్రి తీసుకుంటాడు. జైలర్ కోసం ఆ పాపను ఆర్మీ ఆఫీసర్ ను చేయాలని కంకణం కట్టుకుంటాడు.
కట్ చేస్తే ఓ ఆఫ్రికన్ కంట్రీలో జైలులో ఉన్న జాన్ హిమ్లర్(బాబీ డియోల్) అత్యంత క్రూరుడు. ఆ దేశాన్ని పాశవికంగా నాశనం చేస్తాడు. అలాగే భారత దేశంలో కూడా ఓ భారీ విధ్వంసానికి కుట్ర చేస్తుంటాడు. అయితే అతనికి గతంలో వెట్రితో పరిచయం ఉంటుంది. మరి అసలు వెట్రి నేపథ్యం ఏంటీ..? అతనెందుకు జైలుకు వెళతాడు..? ఆ పాప బాధ్యత ఎందుకు తీసుకున్నాడు. జాన్ హిమ్లర్ కుట్రలను అతను ఎలా ఎదుర్కొన్నాడు అనేది మిగతా కథ.
ఎలా ఉంది :
ఓ మూవీ రీమేక్ అంటే ఒరిజినల్ తో కంపేరిజన్స్ కామన్ గా ఉంటాయి. ఆ విషయంలో భగవంత్ కేసరికి జన నాయగన్ కు కూడా పోలికలు వస్తాయి. బట్ ఈ విషయంలో భగవంత్ కేసరికి జన నాయగన్ చాలా అంటే చాలా దూరంలోనే ఆగిపోతుంది. కథ అదే అయినా కథనం విషయంలో హెచ్ వినోద్ తీసుకున్న టేకింగ్ మాత్రం అస్సలు బాలేదు. విజయ్ మూవీ అంటే భారీ ఓపెనింగ్స్ వస్తాయి. అవన్నీ తమిళనాడు వరకే. బట్ తెలుగుకు తీసుకుంటే బాలకృష్ణ నటన ముందు విజయ్ పూర్తిగా తేలిపోయాడు. బాలయ్య చూపించిన ఎమోషన్స్ లో 20శాతం కూడా విజయ్ చూపించలేకపోయాడు.
ఆ కారణంగా ఫస్ట్ హాఫ్ అంతా అత్యంత సాధారణంగా సాగుతుంది. దీనికి తోడు ఒరిజినల్ మూవీకి మక్కీకి మక్కీ చూపించడం మాత్రం అస్సలు బాలేదు. బాబీ డియోల్ ఎపిసోడ్ విషయంలో అతని ఎంట్రీ చాలా గ్రాండ్ గా చూపించారు. బట్ మిగతా అంతా అతను ఓ రెగ్యులర్ విలన్ గానే మిగిలిపోయాడు.
ఒరిజినల్ నుంచి 70శాతం తీసుకున్నారు. మిగతా 30శాతంలో వాళ్లు ఏం చెప్పాలనుకున్నారు అనేది పక్కాగా క్లారిటీగా ఉంది. కానీ దాన్ని ప్రెజెంట్ చేసిన విధానం మాత్రం నాసిరకంగా ఉంది. పవర్ ఫుల్ గా చెప్పాల్సిన సన్నివేశాల్లో సాధారణంగా ఉండిపోయిందీ మూవీ. విజయ్ పాత్ర విషయంలో చాలా కన్ఫ్యూజింగ్ గా ఉంటుంది. విజయ్ ని ఓ పవర్ ఫుల్ పోలీస్ గా చూపించారు కానీ ఆ పాత్రలో అస్సలు పవర్ కనిపించదు.
జన నాయగన్ లో చాలా డ్రా బ్యాక్స్ ఉన్నాయి. స్క్రీన్ ప్లే పర్ఫెక్ట్ గా ఉండదు. విజయ్ లాంటి స్టార్ మాస్ హీరో నటించిన లాస్ట్ మూవీ అంటే చాలా గ్రాండ్ గా ఉండాల్సి ఉంటుంది. బట్ జన నాయగన్ లో విజయ్ పాత్రను తీర్చిదిద్దిన విధానం వెరీ రొటీన్ గా ఉంది. మిగతా 30శాతంలో కేవలం విజయ్ ని రాజకీయ నాయకుడుగా ఎస్టాబ్లిష్ చేసే ప్రయత్నం చేశారు. కానీ అదీ తేలిపోయింది. అయితే కావాలని కొందరు ఈ దేశంలో కుల, మత రాజకీయాలను సోషల్ మీడియా ద్వారా వాడుకుంటున్న విధానాన్ని మాత్రం బాగా ప్రెజెంట్ చేశారు. ఏదేమైనా విజయ్ లాంటి స్టార్ ను ఇలా ప్రెజెంట్ చేయడం మాత్రం అతని అభిమానులను కూడా నిరాశపరిచేదే.
నటన పరంగా
విజయ్ ఈ మధ్య కాలంలో ఇంత క్లూ లెస్ గా నటించడం ఆశ్చర్యమే. అతని నటన, యాక్షన్ సీన్స్ లో అతనిదైన ఓ స్టార్డమ్ ఉంది. జన నాయగన్ లో ఇది పూర్తిగా మిస్ అయింది. ఒరిజినల్ లో శ్రీలీల పాత్రలో కనిపించిన మమితా బైజు అస్సలు సెట్ కాలేదు. ఆమె నటన కూడా శ్రీలీల స్థాయిలో లేదు. ఉన్నంతలో కాజల్ పాత్రలో నటించిన పూజాహెగ్డేని ఈ మూవీలో బాగా వాడుకున్నారు. ఆమె పాత్ర, నటన బావున్నాయి. విలన్ గా బాబీ డియోల్ ఓకే అనిపించుకున్నాడు. ప్రకాష్ రాజ్ విలనీ కూడా వెరీ రొటీన్. మిగతా పాత్రల్లో ఉన్నారంటే ఉన్నారు అంతే.
టెక్నికల్ గా
అనిరుద్ రవిచందర్ సంగీతం కూడా మామూలుగానే ఉంది. సన్నివేశాల్లో బలం లేనప్పుడు ఏ సంగీత దర్శకుడు మాత్రం ఎంతని హడావిడీ చేస్తాడు. తెలుగు పాటలు అస్సలు బాలేదు.సినిమాటోగ్రఫీ బానే ఉంది. ఫైట్స్ అస్సలు బాలేదు. ఎడిటింగ్ పరంగా కూడా చాలా ల్యాగ్స్ ఉన్నాయి. తెలుగు డైలాగ్స్ ఓకే. ప్రొడక్షన్ వాల్యూస్ బావున్నాయి. దర్శకుడుగా హెచ్ వినోద్ తన స్థాయికి ఏ మాత్రం సరిపోని సినిమా తీశాడు. అతని డైరెక్షన్ అత్యంత సాధారణంగా ఉంది.
ఫైనల్ గా : జన నాయగన్ .. పరమ బోరింగ్
రేటింగ్ : 2/5
K.Y.R
kalyan5023@gmail.com
Yaswanthrao Rao
