దుల్కర్ సల్మాన్ మూవీకి ఏమైంది

దుల్కర్ సల్మాన్ హీరోగా నటించిన మూవీ ఐమ్ గేమ్. మళయాలంలో రూపొందిన ఈ చిత్రాన్ని ఇవాళ విడుదల చేశారు. తెలుగులో డబ్ చేశారు. బట్ తెలుగు డబ్ వెర్షన్ మాత్రం విడుదల కాలేదు. ఏవో టెక్నికల్ కారణంగా తెలుగులో ఈ చిత్రాన్ని ఇవాళ విడుదల చేయడం లేదు అని మూవీ టీమ్ నుంచి ఓ ప్రకటన వచ్చింది. మరి ఆ టెక్నికల్ రీజన్స్ ఏంటీ అనేది మాత్రం చెప్పలేదు. తెలుగులో మహానటి, సీతారామం, లక్కీ భాస్కర్ తో హ్యాట్రిక్ హిట్స్ కొట్టిన దుల్కర్ సల్మాన్ కు తెలుగులో కూడా మంచి క్రేజ్ ఉంది. అందుకే ఈ మూవీ కోసం ఎదురుచూసిన వారికి నిరాశ తప్పలేదు.

ఐమ్ గేమ్ లో ఆర్టిస్టులు ఎవరు

దుల్కర్ సల్మాన్ ఐమ్ గేమ్ లో కయాడు లోహర్ హీరోయిన్ గా నటించింది. ఇతర కీలక పాత్రల్లో ఆంటోనీ వర్ఘీస్, మిస్కిన్, సంయుక్త, కథిర్ నటించారు. అన్ని పాత్రలూ పర్ఫెక్ట్ గా సెలెక్ట్ చేసుకున్నట్టుగా అర్థం అవుతోంది.నహాస్ హిధ్యంత్ డైరెక్ట్ చేసిన ఈ చిత్రానికి మళయాలంలో మాత్రం భారీ క్రేజ్ ఉంది. ఓ రకంగా ఐమ్ గేమ్ కేరళలో ఓనమ్ పండగ సందర్భంగా ఆగస్ట్ 21న విడుదల చేయాలి అనుకున్నారు. అప్పుడు కూడా ఏవో టెక్నికల్ ఇష్యూస్ వల్ల పోస్ట్ పోన్ చేశారు. మరి మళయాలంలో ఈ మూవీకి ఎలాంటి రివ్యూస్ వస్తాయో చూడాలి.

Movies Latest

నాని, కీర్తి సురేష్ ల స్పెషల్ సాంగ్ విడుదల చేశారు

kalyan5023@gmail.com
August 29, 2026

నాని హీరోగా నటిస్తోన్న మూవీ ద ప్యారడైజ్. శ్రీకాంత్ ఓదెల డైరెక్ట్ చేస్తోన్న ఈ మూవీ సెప్టెంబర్ 24న విడుదల కాబోతోంది. ఇప్పటివరకు షూటింగ్ ఆల్మోస్ట్ కంప్లీట్ అయిపోయింది. ప్రస్తుతం పోస్ట్ ప్రొడక్షన్ కూడా అదే టైమ్ లో పూర్తి చేస్తున్నారు. ఇక ఈ మూవీ నుంచి విడుదల చేసిన ఆయా షేర్ సాంగ్ కు అద్బుతమైన స్పందన వచ్చింది. మాస్ ను బాగా ఊపేసే పాట ఇది. అయితే టీజర్ మాత్రం ఎవరికీ పెద్దగా కనెక్ట్ కాలేదు. నాని ఫ్యాన్స్ కూడా ఈ టీజర్ ఏమంత బాగా లేదు అంటున్నారు.
ద ప్యారడైజ్ నుంచి సెకండ్ సాంగ్ విడుదల చేశారు. ఇది వీడియో సాంగ్ కావడం అభిమానులకు మంచి విషయం. ఏషనాగుల కట్టమీద అనే ఈ తెలంగాణ జానపద పాట ఆల్రెడీ యూ ట్యూబ్ లో ఉంది. అదే పాటను సినిమాలో పెట్టుకున్నారు. పాటకు ఉన్న బీట్ ఎప్పుడు వినిపించినా జనం ఊగిపోతుంటారు. ఆ ఊపు పాటలో కూడా ఉందా అంటే లేదు అనే చెప్పాలి. అంటే ముఖ్యంగా డ్యాన్స్ లు ఆ బీట్ కు తగ్గ ఊపును క్రియేట్ చేయలేకపోయాయి అనేది వాస్తవం. అదీ కాక ఇలాంటి పాటలు అవుట్ డోర్ లో ఉంటేనే బావుంటాయి. ఇలా ఇండోర్ లో ఉండటం కూడా ఏమంత బాలేదు.
నాని పాట అంటే బావుంటాయి అని అందరికీ తెలుసు. అయితే ఇది ఆడియోగా బావుంది తప్ప వీడియోగా మాత్రం పెద్దగా నచ్చేలా లేదు. కీర్తి సురేష్ స్టెప్పులు కూడా ఏమంత గొప్పగా లేవు. కీర్తి సురేష్ ఐటమ్ సాంగ్ చేయడం ఇదే ఫస్ట్ టైమ్. అది కూడా నానితో ఉన్న అనుబంధం కారణమే అనుకోవచ్చు. నాని, కీర్తి సురేష్ ఇద్దరూ మంచి స్నేహితులు కాబట్టే ఆమె ఈ ఐటమ్ సాంగ్ కు ఓకే చెప్పింది.
ద ప్యారడైజ్ నుంచి ఈ రెండో పాటను రాసింది కాసర్ల శ్యామ్. పాడింది జంగిరెడ్డి, ప్రభ. అనిరుద్ రవింద్రన్ సంగీతం అందిస్తున్నాడు. అనిరుధ్ అంటే నానికి బాగా ఇష్టం. అందుకే అతన్ని కోరి మరీ తీసుకున్నాడు. ఏదేమైనా ఈ పాట ఆడియోగా అద్భుతం అనిపించినా వీడియోగా మాత్రం ఆ రేంజ్ లో లేదు అని చాలామంది భావిస్తున్నారు.

Latest Movies

నాని నిర్మాతలను ఇబ్బంది పెడుతున్నాడా..?

Yaswanthrao Rao
July 2, 2026

నేచురల్ స్టార్ ఈ మధ్య తన రేంజ్ మార్చుకునే ప్రయత్నాల్లో ఉన్నాడు. ముఖ్యంగా మాస్ హీరో అనిపించుకోవడానికి అనేక ప్రయత్నాలు చేస్తున్నాడు. ఇందులో సక్సెస్ అయ్యాడా లేదా అనేది పక్కన పెడితే అతని ప్రయత్నాలు కొనసాగుతున్నాయి. ఈ క్రమంలో ఇప్పుడు ద ప్యారడైజ్ అనే మూవీ చేస్తున్నాడు. ఇంతకు ముందు అతనితోనే ఊరమాస్ గెటప్ తో దసరా మూవీ చేసిన దర్శకుడు శ్రీకాంత్ ఓదెల ఈ చిత్రానికి దర్శకుడు. ఈ చిత్రాన్ని గత మార్చిలోనే విడుదల చేస్తాం అని చెప్పారు. బట్ మాట దాటేశారు. కొత్త రిలీజ్ డేట్ గా ఆగస్ట్ 21న అన్నారు. అదీ పోయింది. అసలు ఈ మూవీ రిలీజ్ డేట్ విషయంలో ఏం జరుగుతుందా అని ఆడియన్స్ అంతా కన్ఫ్యూజన్ లో ఉన్నారు. మామూలుగా ఈ మధ్య రిలీజ్ డేట్ లు బాగా వాయిదా పడుతున్న మూవీస్ పై ఆడియన్స్ తో పాటు ఫ్యాన్స్ కూడా లైట్ తీసుకుంటున్నారు.
అయితే ఈ మూవీ షూటింగ్ విషయంలో సరైన ప్లానింగ్ లేకుండా పోయింది అనేది అందరికీ తెలిసిందే. కేవలం దసరాతో మాత్రం ఆకట్టుకున్న శ్రీకాంత్ ఓదెలకు ప్లానింగ్ పై అవగాహన లేకపోవడమే అందుకు ప్రధాన కారణం అంటున్నారు. తీసిందే తీస్తూ ఉంటున్నాడట. దీంతో నిర్మాతలకు మండిపోయినా కామ్ గా ఉండిపోతున్నారట. ఒక్కసారి కథ ఫైనల్ అయితే మూవీ చేయడం సులువు అవుతుంది. బట్ అతను అదే పనిగా సెట్స్ లో కూడా కథలో మార్పులు చేస్తున్నాడట. ఈ కారణంగా బాగా ఆలస్యం అవుతోంది అని టాక్. అదీ కాక క్లైమాక్స్ చిత్రీకరణ సరిగా రాలేదట. దీంతో మొత్తం క్లైమాక్స్ ను మళ్లీ షూట్ చేయాలట.అదీ కాక ఓ ఐటమ్ సాంగ్ కూడా బ్యాలన్స్ ఉందట. ఈ కారణంగానే ఆగస్ట్ 21 నుంచి సెప్టెంబర్ 25కు వాయిదా వేశారు. బట్ ఈ డేట్ కు కూడా రావడం దాదాపు అసాధ్యం అని తేలింది. అన్నీ సెట్ అయితే దసరాకు రావొచ్చు. లేదంటే డిసెంబర్ వరకు ఆగినా ఆశ్చర్యం లేదు అంటున్నారు. ఏదేమైనా సరైన ప్లానింగ్ కారణంగా ఇప్పటికే నిర్మాతలు చాలా నష్టపోతున్నారు. అదీ ఇంకా కొనసాగుతూనే ఉండటం మరింత ఇబ్బందిగా మారిందట.

Latest Movies

సూర్యకు జోడీగా కయాడు లోహర్

Yaswanthrao Rao
June 29, 2026

కరుప్పు బ్లాక్ బస్టర్ తో సూర్య దూకుడు పెంచాడు. వరుసగా సినిమాలు చేస్తున్నాడు. తర్వాత విశ్వనాథమ్ అండ్ సన్స్ మూవీతో తెలుగు స్ట్రెయిట్ మూవీ ఈ ఆగస్ట్ లో విడుదల కాబోతోంది. తర్వాత ఓ మళయాల మూవీ చేస్తున్నాడు. ఇందులో పవర్ ఫుల్ పోలీస్ గా నటిస్తున్నాడు. మరోవైపు తమిళ్ లో కూడా గట్టిగానే ఫోకస్ చేస్తున్నాడు. ఈ క్రమంలో జై భీమ్ దర్శకుడితో మరో మూవీకి సిద్ధం అయ్యాడు. ఇది సూర్యకు 48వ చిత్రం. జై భీమ్ తో విమర్శకుల చేత కూడా శభాష్ అనిపించుకున్నాడు దర్శకుడు టిజే జ్ఞానవేల్. తర్వాత అతను రజినీకాంత్ తో చేసిన మూవీ బాక్సాఫీస్ వద్ద పోయింది. బట్ అతను ఎంచుకున్న పాయింట్ మాత్రం చాలా బావుంది.
దర్శకుడు టిజే జ్ఞానవేల్ తో మళ్లీ సూర్య జత కట్టడం మాత్రం చాలా బావుంది. ఇద్దరి కాంబోలో జై భీమ్ లాంటి మూవీనే మళ్లీ ఎక్స్ పెక్ట్ చేయలేం.. బట్ కమర్షియల్ మూవీతో రావడం పక్కా అనేది తెలిసింది. ఈ చిత్రంలో హీరోయిన్ గా కయాడు లోహర్ ను తీసుకున్నారు. తమిళ్ లో ఆమె చేసిన డ్రాగన్ మూవీతో ఓవర్ నైట్ పాపులర్ అయింది. ఇప్పుడు అన్ని భాషల్లో కూడా చాలా బిజీ అయిపోయింది. అలాంటి బ్యూటీ సూర్యతో అంటే మంచి ఛాయిస్ అనే చెప్పాలి. ఇక హొంబలే ఫిల్మ్స్ బ్యానర్ లో నిర్మితమవుతోన్న ఈ మూవీ ఇవాళే ప్రారంభం అయింది. ఈ యేడాది జూలై లేదా ఆగస్ట్ లో రెగ్యులర్ షూటింగ్ కు వెళ్లబోతోంది. సాయి అభయంకర్ సంగీతాన్ని అందించబోతున్నాడు. మరి ఈ మూవీతో జై భీమ్ జోడీ మళ్లీ బ్లాక్ బస్టర్ అవుతుందా లేదా అనేది తేలాల్సి ఉంది.