యశ్.. టాక్సిక్ మూవీ సెన్సార్ పూర్తి

యశ్ హీరోగా నటించిన మూవీ టాక్సిక్. గీతూ మోహన్ దాస్ దర్శకత్వం వహించిందీ మూవీని. భారీ తారాగణంతో రూపొందిన ఈ చిత్రాన్ని ఈ నెల 26న విడుదల చేస్తున్నారు. రీసెంట్ గా విడుదల చేసిన టాక్సిక్ ట్రైలర్ కు అద్బుతమైన రెస్పాన్స్ వచ్చింది. కేజీఎఫ్ తర్వాత యశ్ నుంచి మళ్లీ అంతకు మించిన మూవీ రాబోతోందనే టాక్ బలంగా వినిపిస్తోంది.

భారీ తారాగణంతో టాక్సిక్

యశ్ హీరో అయినా ఫీమేల్ లీడ్స్ లో మాత్రం చాలామంది భామలే ఉన్నారు. నయనతార, కియారా అద్వానీ, రుక్మిణి వసంత్, హ్యూమా ఖురేషీ, తారా సుతారియా అంటూ స్టార్ బ్యూటీస్ చాలామందే ఉన్నారు. ఆ అందరి పాత్రకు సరైన ఇంపార్టెన్స్ కూడా ఇచ్చినట్టు ట్రైలర్ చూస్తుంటేనే అర్థం అవుతోంది. అదీ కాక యశ్ డ్యూయొల్ రోల్ లో కనిపించబోతున్నాడు. ఇది ఓ సర్ ప్రైజింగ్ ఫ్యాక్టర్ లా ఉందీ మూవీకి.

టాక్సిక్ సెన్సార్ కు ఏ సర్టిఫికెట్

టాక్సిక్ 26న విడుదలవుతోంది. తాజాగా ఈ మూవీ సెన్సార్ పూర్తయింది. మామూలుగా టీజర్, ట్రైలర్ చూసినప్పుడే ఇది ‘ఏ’ సర్టిఫికెట్ అని అందరికీ అర్థం అయింది. అయితే సెన్సార్ చాలాముందుగా చేయడానికి కారణం ఈ మూవీలో ఇంకేవైనా అబ్జెక్షన్స్ ఉంటాయోమో అని. అలాంటి అభ్యంతరాలు ఉంటే ముందే రెడీ చేసుకోవాలి కదా. అందుకే చాలా రోజుల ముందుగానే సెన్సార్ పూర్తి చేశారు. సెన్సార్ నుంచి అంతా ఊహించినట్టుగానే టాక్సిక్ కు ‘ఏ’సర్టిఫికెట్ వచ్చింది. సినిమా నిడివి 3 గంటల 14నిమిషాలు ఉంది.

టాక్సిక్ రిజల్ట్ ఎలా ఉండబోతోందో..?

యశ్ మూవీ 3 గంటల 14నిమిషాలు అంటే సినిమా ఈజీగా చూసేయొచ్చు అని చాలామంది అనుకుంటున్నారు. సో.. ఇక మూవీ రిలీజ్ కు అంతా సిద్ధం అయింది. మరి ఈ నెల 26న కంటే ఒక రోజు ముందే ప్రీమియర్స్ కూడా ఉండబోతున్నాయి. మరి ఆ ప్రీమియర్స్ తో ఈ మూవీ ఎలాంటి రిజల్ట్ అందుకుంటుంది అనే అంచనాలు ఉంటాయనేది వాస్తవం.