ఘట్టమనేని జయకృష్ణను అభిమానులు ఓన్ చేసుకోలేదా..?

• kalyan5023@gmail.com
• July 29, 2026

జయకృష్ణను ఘట్టమనేని ఫ్యామిలీ పట్టించుకోవడం లేదేంటీ..?

ఘట్టమనేని జయకృష్ణ హీరోగా పరిచయం అవుతున్నాడు. మరికొన్ని గంటల్లో అతను నటించిన శ్రీనివాస మంగాపురం మూవీ విడుదల కాబోతోంది. అయితే ఇక్కడ అనేక సందేహాలు మాత్రం అలాగే మిగిలి ఉన్నాయి. సూపర్ స్టార్ కృష్ణ మనవడుగా ఎంట్రీ ఇస్తున్నాడు జయకృష్ణ. అంతకు ముందే కృష్ణ గారి పెద్దబ్బాయి రమేష్ బాబు మరణించి ఉన్నాడు. అతను హీరోగా సక్సెస్ కాలేకపోయాడు. అది కృష్ణకి చాలా పెద్ద లోటుగా ఉండిపోయింది. తర్వాత మహేష్ బాబు వచ్చాడు కృష్ణ ట్యాగ్ అయిన సూపర్ స్టార్ ను ఓన్ చేసుకున్నాడు. అయితే అంత త్వరగా మహేష్ బాబు స్టార్డమ్ తెచ్చుకోలేదు. చాలా ఫ్లాపుల తర్వాత గాడిలో పడ్డాడు. దీనికి తోడు మంచి నటుడు అనిపించుకున్నాడు.

రమేష్ బాబుపై మహేష్ బాబు ప్రేమ..?

మహేష్ బాబుకు అన అన్న రమేష్ బాబు అంటే చాలా ఇష్టం. ప్రేమ, గౌరవం కూడా మెండుగా ఉన్నాయి చాలామంది చెబుతుంటారు. అలాంటి తన అన్న కొడుకు హీరోగా మారాడు అంటే అతనికి సపోర్ట్ చేయాల్సిన మహేష్ బాబు మాత్రం మాగ్జిమం మౌనంగా ఉండిపోయాడు. శ్రీనివాస మంగాపురం మూవీకి సంబంధించి ఏ ఈవెంట్ కూ అటెండ్ కాలేదు. అందుకు తన వారణాసి మూవీ కారణమే అని చెబుతూ ఓ చిన్న వీడియో చేసి వదిలాడు. బట్ అది ఏమాత్రం సరిపోలేదు అనేది నిజం.

జయకృష్ణను మహేష్ ఫ్యాన్స్ లైట్ తీసుకున్నారా..

మహేష్ బాబు దాదాపు లైట్ తీసుకున్నాడు అనేది చాలామందిలో కలుగుతున్న భావన. దర్శకుడు అజయ్ భూపతి ఎంత చెప్పినా ఈ విషయంలో అడ్జెస్ట్ కాలేకపోతున్నారు. అయితే ఇప్పుడు ప్రధాన విషయం ఏంటీ అంటే.. మహేష్ బాబు అభిమానులెవరూ కూడా జయకృష్ణను ఓన్ చేసుకోలేపోయారు. అతని గురించి మినిమం కూడా పట్టించుకోలేదు అనేది వాస్తవం. పాపం అతనే సొంతంగా ప్రమోషన్స్ చేసుకుంటున్నాడు. రెండు రాష్ట్రాల్లో తిరుగుతున్నాడు. ఆడియన్స్ తో ఇంటరాక్ట్ అవుతున్నాడు. బట్ అభిమానులు మాత్రం చాలా అంటే చాలా లైట్ తీసుకున్నారు జయకృష్ణను.
ఇలాంటి సందర్భాల్లో పెద్ద కుటుంబాల నుంచి వచ్చిన.. వస్తోన్న హీరోలందరితో పోలిస్తే జయకృష్ణను ఎవరూ పట్టించుకోవడం లేదు. మహేష్ బాబు తన అన్నపై చాలా గౌరవం ఉన్నా.. ఆ గౌరవాన్ని నిలబెట్టుకోవాల్సిన సందర్భంలో మాత్రం వదిలేయడం ఎంత వరకు సమంజసం అనేది పెద్ద ప్రశ్న. శ్రీనివాస మంగాపురంకు సంబంధించి ఇప్పటి వరకు చేసిన ప్రమోషన్స్ ఏవీ కూడా ఆడియన్స్ నుంచి అటెన్షన్ తెచ్చుకోలేదు అనేది వాస్తవం. అతనేదో అతని ప్రయత్నాలు చేస్తున్నాడు కానీ ప్రేక్షకులు మాత్రం ఈ కుర్రాడిలో హీరోను చూడలేకపోతున్నారు.

నెపోకిడ్స్ ను రుద్దడం కామన్

మామూలుగా పెద్ద కుటుంబాల నుంచి వస్తోన్న హీరోలందరు కూడా ముందుగా ప్రేక్షకులపై రుద్దబడటం కామన్ గా చూస్తున్నాం. జయకృష్ణ విషయంలో కూడా అదే జరుగుతుంది అని చాలామంది అనుకుంటున్నా.. అసలు ఆ కుటుంబం నుంచే ఎవరూ పట్టించుకోకపోవడం ఆశ్చర్యంగా ఉంది. అదే ఫ్యామిలీకి అల్లుడైన సుధీర్ బాబు హీరోగా మారిన టైమ్ లో అతని కోసం చాలామంది చాలా చేశారు. అతన్ని కూడా రుద్దారు. ఇప్పటికీ రుద్దడం జరుగుతూనే ఉంది. కాకపోతే సుధీర్ బాబు తన సినిమాల రిజల్ట్స్ ను పక్కన పెట్టి తనదైన శైలిని ఏర్పాటు చేసుకున్నాడు.

జయకృష్ణ స్వయంకృషే దిక్కా..

ఏదేమైనా కేవలం మహేష్ బాబు మాత్రమే కాదు.. అతని ఫ్యామిలీ నుంచి ఎవరూ కూడా జయకృష్ణను అస్సలు పట్టించుకోలేదు అనేది తెలుస్తోంది. మరి అందుకు కారణాలేంటీ అనేది తెలియకపోయినా కుర్రాడు మాత్రం ఈ విషయాలన్నీ గమనించుకుంటూ ముందుకు వెళ్లే ప్రయత్నం మాత్రం ఆపొద్దు అని చెప్పొచ్చు.