శ్రీదేవి.. దేవతలూ అసూయపడే అందగత్తెగా వెలిగిన నటి
kalyan5023@gmail.com
- August 13, 2026
శ్రీదేవి జయంతి స్పెషల్ గా ఈ కవిత
శ్రీదేవి..
ఏ దేవి వరమో..
దేవతలూ అసూయపడే అందం పొందింది..
ఓ సిరిమల్లె పువ్వులా..
జామురాతిరి జాబిలమ్మలా..
పాలచుక్కలు.. తేనెబొట్టులు కలిపి రంగరించిన అతిలోక సుందరి.. శ్రీదేవి
బాలనటిగా భలేగా చేసి
పదేహేనేళ్లకే పదహారేళ్ల వయసుతో వచ్చి
తెల్లారబోతోంటే కల్లోకి చేరి
తెల్లార్లూ నిద్రల్లేకుడా చేసింది..
వయోభేదం లేకుండా
నయాజొరం తెప్పించింది
చెల్లెలికాపురంలో అన్నకు
అక్కకోసం దేవతలా మారి
బడిపంతులు తాతతో
ఆకుచాటు తడిసిన పిందెలా ఆడిపాడి
వయసుమళ్లిన హీరోలతో
ప్రేమాభిషేకం చేయించుకుని
ఆకాలం ప్రేక్షకుల అనురాగ దేవతలా
కలకాలం తరగని అభిమానం సంపాదించి
కమలాసన్ కే కన్నుకుట్టేలా
వసంతకోకిలలా మైమరపించింది
‘థండర్ థైస్’ తో బాలీవుడ్ లో వండర్ చేసి
ఓవర్ నైట్ ఓ రేంజ్ కు వెళ్లిపోయి..
లిమిటెడ్ హీరోతో అన్ లిమిటెడ్ రొమాన్స్ పండించి
మిస్టర్ ఇండియాస్ నూ మెస్మరైజ్ చేసి
ఇండియన్ వెండితెరపై వెలుగులే వెలవెలబోయే
తళుకులు చూపించింది..
ఆఖరుకి
నాన్న అకాల మరణం, అమ్మ అజాగ్రత్తతో కుంగిపోయినా
అతిలోకసుందరిలా క్షణక్షణం గుర్తొచ్చే నటన చూపి
అకస్మాత్ పెళ్లికి తలవంచింది
అందని ఆనందాల కోసం వేదనలు పడి
వేదికలపై వేయివాట్స్ బల్బ్ ల నవ్వులు పంచి
వేదనలో వేయి చీకట్ల అగాథాల్ని చూసి
ఒక జీవితంతో వంద పాఠాలు నేర్చుకుని
కన్నవారి అందలం చూడకుండానే కన్నుమూసింది
అప్రతిహతంగా వెలిగినట్లు నటించి
ఆఖరికి ఆఖరుపోరాటంలో ఓటమికి తలవంచి
ఊపిరిని అర్పించి
ఓ వెన్నెల రేయిలో కోట్లమంది మనసుల్లో చీకట్లు నింపింది
కానీ..
నీ లోకానికి వెళ్లిపోయి…
నువ్వేం చేశావో తెలుసా దేవీ..
నీ జీవితానికి నువ్వే శాడ్ ఎండింగ్ వేసుకున్నావ్
నీ జీవితం గురించి ఇంటర్వెల్ వరకే తెలిసిన మాకు
నీ ఎండింగ్ కు కారణం ఎప్పటికీ తెలియని,
తెలుసుకోలేని విధంగా చేసి
నీ లోకానికి వెళ్లిపోయావ్..
ఇప్పుడీ లోకంలో అతిలోక సుందరి అంటే
ఎవర్ని చూపించాలో చెప్పకుండానే
అమరపురికి వెళ్లిపోయావ్..
కానీ మళ్లీ ఓసారి నీ ఉంగరం పారేసుకోవూ..
కనీసం ఈ సారైనా
నీ కథ ఆనందంగా ఉండేలా చేసుకునేందుకైనా
మరోసారి నీ ఉంగరం పారేసుకోవూ..
పారేసుకుంటావు కదూ…
– బాబురావు..
9959977389
