టాలీవుడ్ 2నుంచి వెంకటేష్ అవుట్

వెంకటేష్ హీరోగా త్రివిక్రమ్ శ్రీనివాస్ డైరెక్షన్ లో రూపొందుతోన్న మూవీ ఆదర్శ కుటుంబం హౌస్ నెం. 47′ (AK47).వెంకీకి జోడీగా శ్రీనిధి శెట్టి నటిస్తుంది. నారా రోహిత్ ఓ కీలక పాత్రలో కనిపించబోతున్నాడు. వెంకటేష్, త్రివిక్రమ్ కాంబోలో మూవీ రావాలని అభిమానులు చాలాకాలంగా వెయిట్ చేస్తున్నారు. ఫైనల్ గా వీరి నిరీక్షణ ఫలించింది. అయితే ఈ మూవీ అక్టోబర్ 2న విడుదలవుతుందని గతంలోనే ప్రకటించారు. బట్ ఈ డేట్ లో మార్పు వచ్చింది. రిలీజ్ డేట్ పోస్ట్ పోన్ చేసింది మూవీ టీమ్. అక్టోబర్ 2 నుంచి అక్టోబర్ 9కి వాయిదా వేశారు. దీంతో పాటు అక్టోబర్ లో విడుదల కాబోతోన్న మూవీస్ చూస్తే రిలీజ్ డేట్స్ ఇలా ఉన్నాయి.

అక్టోబర్ 2న తెల్ల కాయితం

అక్టోబర్ 2న తెల్ల కాయితం విడుదల కాబోతోంది. ప్రియదర్శి, నాగదుర్గ జంటగా నటిస్తున్న మూవీ ఇది. దీనిపై మంచి అంచనాలున్నాయి. కొత్త దర్శకుడే అయినా టైటిల్ నుంచి పబ్లిక్ లో హైలెట్ కావడం కూడా మూవీకి పెద్ద ప్లస్ అయింది. చాలా వేగంగా చిత్రీకరణ చేసుకున్న ఈ మూవీ రిలీజ్ డేట్ అప్పుడే ఫిక్స్ కావడం చూసి సినిమా వర్గాల్లో కూడా ఆశ్చర్యం వ్యక్తం చేస్తున్నారు.

అక్టోబర్ 15న రజినీకాంత్

ఇక దసరా బరిలో ఉన్న మూవీస్ కూడా చాలా కీలకంగా ఉన్నాయి. అంతా ఊహించినట్టుగానే రజినీకాంత్ హీరోగా నటిస్తోన్న జైలర్ 2 ను అక్టోబర్ 15న విడుదల చేయబోతున్నారు. ఈ రిలీజ్ డేట్ ఇంకా అఫీషియల్ గా ఫిక్స్ చేయలేదు. బట్ ఈ రిలీజ్ డేట్ మాగ్జిమం ఖాయం అయిందని చాలామంది చెబుతున్నారు.

అక్టోబర్ 16న విజయ్ దేవరకొండ

అక్టోబర్ 16న మోస్ట్ అవెయిటెడ్ మూవీ రణబాలి కూడా విడుదల కాబోతోంది. విజయ్ దేవరకొండ, రష్మిక మందన్నా జంటగా నటిస్తోన్న మూవీ ఇది. మామూలుగా అయితే ఇది సెప్టెంబర్ లోనే విడుదల కావాల్సి ఉంది. రష్మిక మందన్నాకు గాయం కారణంగా ఒక నెల వాయిదా వేశారు. ఇది అక్టోబర్ 16న విడుదలవుతుందని రీసెంట్ గా అఫీషియల్ అనౌన్స్ మెంట్ ఇచ్చింది టీమ్. రాహుల్ సాంకృత్యన్ డైరెక్ట్ చేస్తోన్న ఈ మూవీపై విజయ్ దేవరకొండ అభిమానుల్లో భారీ అంచనాలున్నాయి.

ధనుష్ కూడా అక్టోబర్ 16నే

అక్టోబర్ 16న విడుదల కాబోతోన్న తమిళ్ మూవీ ఓమ్. ధనుష్ హీరోగా నటిస్తోన్న ఈ మూవీకి రాజ్ కుమార్ పెరియసామి దర్శకుడు. మమ్మూట్టి, సాయి పల్లవి, శ్రీలీల కీలక పాత్రల్లో నటిస్తోన్న ఈ మూవీ కూడా తెలుగులో బాగా వర్కవుట్ అయ్యే అవకాశాలున్నాయి. మొత్తంగా ఈ అక్టోబర్ భారీ చిత్రాలతో పాటు చిన్న సినిమాలు, డబ్బింగ్ మూవీస్ తో టాలీవుడ్ లో మంచి కాంపిటీషన్ ఉండబోతోంది. మరి ఈ పోటీలో ఎవరు బలంగా నెగ్గుతారో అనేది చూడాలి.

చిరంజీవి కాకా గ్లింప్స్

మెగాస్టార్ చిరంజీవి బర్త్ డే స్పెషల్ గా ఆయన నటిస్తోన్న మూవీ టైటిల్ ను రివీల్ చేశారు. టైటిల్ తో పాటు విడుదల చేసిన గ్లింప్స్ ఆకట్టుకునేలా ఉంది. గ్లింప్స్ ను బట్టి చూస్తే చిరంజీవి రొయ్యల వ్యాపారిగా కనిపిస్తున్నాడు. ఆ గోడౌన్ చుట్టూ రొయ్యల చెరువులు కనిపిస్తున్నాయి. సో.. ఆయన కేవలం రొయ్యల వ్యాపారం మాత్రమే చేసే వ్యక్తిలా కనిపిస్తున్నాడు.

చిరంజీవిని వెనక నుంచే చూపించారు

గ్లింప్స్ అంతా మాగ్జిమం సజెషన్ షాట్ లోనే చూపించారు. ఆయన ఆ గోడౌన్ లోకి ఎంటర్ అయిన తర్వాత వచ్చే విజువల్స్ అన్నీ బావున్నాయి. సునిల్ తనకు లీవ్ కావాలి అని అడుగుతాడు. అతనికి వచ్చే పండగ సీజన్ ఇప్పుడు ఎవరికీ సెలవులు ఇవ్వను ఎల్లెయ్ అంటాడు. గెటప్ శీను వచ్చి ఓ తాళం ఇస్తా అంటాడు. పైన ఉన్న తను తాళం విసరమని చెబుతాడు. చూస్తే అది రొయ్యలను ఉంచే వాటర్ ట్యాంక్ లో పడిపోతుంది. నేను తీసుకుంటా అని చెబుతాడు చిరంజీవి.
ఆ టైమ్ లోనే ఆ ఫ్యాక్టరీలో అలారం మోగుతుంది. అంటే ఆ టైమ్ కు అంతా వెళ్లిపోవాలి అని చెప్పడం. అందరూ వెళ్లిపోతారు. అప్పుడు ఆ గోడౌన్ కు తాళం వేస్తాడు. గెటప్ శీను వల్ల నీళ్లల్లో పడిపోయిన ఆ తాళం కోసం ఓ పెద్ద పని చేస్తాడు. ఆ టైమ్ లో కనిపించిన గన్స్ ను చూసి షాక్ అవుతాం. అంత పెద్ద ఫ్యాక్టరీలో గన్స్ ను ఎందుకు దాచాడు. దాని వెనక ఉన్న కథేంటీ అనేది ముందు ముందు చెబుతారేమో.

కాకా మూవీ గ్లింప్స్ బాలయ్యను తలపిస్తోంది

చిరంజీవి గ్లింప్స్ చూసిన వాళ్లంతా ఏముంది ఇందులో అంటున్నారు. ఏమాత్రం ఆడియన్స్ అటెన్షన్ ను సంపాదించలేకపోయిందీ గ్లింప్స్. మెగా ఫ్యాన్స్ కూడా ఈ గ్లింప్స్ చూసి పెదవి విరుస్తున్నారు. వాళ్లు ఇంకా చాలా ఎక్స్ పెక్ట్ చేశారు. మరి ఆ అంచనాలకు తగ్గట్టుగా అస్సలు లేదు ఈ వీడియో. టైటిల్ లో కూడా అంత పవర్ ఏం లేదు. రొటీన్ కాకా అని చాలామంది పిలిచే పిలుపు ఇది. అదీ కాక నందమూరి బాలకృష్ణ హీరోగా నటించిన భగవంత్ కేసరిలో శ్రీలీల పిలిచే పిలుపు ఇది. అందుకే పెద్దగా కనెక్ట్ కాలేదు.
ఏదేమైనా చిరంజీవి బర్త్ డే సందర్భంగా విడుదల చేశారు కాబట్టి ఇవాళ్టికి ఓకే అంటారేమో కానీ.. ఓవరాల్ గా మాత్రం ఏమంత బాలేదు ఈ గ్లింప్స్ అని చాలామంది అంటున్నారు.