సూర్య నటించిన విశ్వనాథం అండ్ సన్స్ మూవీ రివ్యూ అండ్ రేటింగ్

• kalyan5023@gmail.com
• August 14, 2026

విశ్వనాథం అండ్ సన్స్ మూవీ రివ్యూ

రివ్యూ : విశ్వనాథ్ అండ్ సన్స్
తారాగణం : సూర్య, రాధిక, మమితా బైజు, రవీనాటాండన్, భవానీ శ్రీ, జార్జ్ మర్యన్, హర్ష, నాజర్ తదితరులు
ఎడిటర్ : నవీన్ నూలి
సంగీతం : జి.వి. ప్రకాష్ కుమార్
సినిమాటోగ్రఫీ : నిమిష్ రవి
నిర్మాతలు : నాగవంశీ, సాయి సౌజన్య
దర్శకత్వం : వెంకీ అట్లూరి
రిలీజ్ డేట్ : 14 ఆగస్ట్ 2026

సూర్య హీరోగా నటిస్తున్నాడు అంటే దానిపై తెలుగు వారికి కూడా మంచి అంచనాలుంటాయి. ఇక వరుసగా రెండు సూపర్ హిట్స్ ఇచ్చిన వెంకీ అట్లూరి దర్శకుడు అంటే బలమైన కథను ఎక్స్ పెక్ట్ చేస్తుంటాం. అందుకు తగ్గట్టుగా ప్రమోషనల్ కంటెంట్స్ తో బాగా ఆకట్టుకున్నారు. ట్రైలర్ కూడా ఇంప్రెసివ్ గా ఉంది. మరి సితార బ్యానర్ లో రూపొందిన ఈ విశ్వనాథ్ అండ్ సన్స్ మూవీ ఎలా ఉంది అనేది చూద్దాం.

కథ :

సంజయ్ విశ్వనాథ్(సూర్య)రిచెస్ట్ బిజినెస్ మాగ్నెట్. అతని చిన్నప్పుడు తల్లి (రాధిక) కోరిక వల్ల ఒలింపిక్ లో షూటింగ్ లో గోల్డ్ మెడల్ కొడతాడు. తండ్రి ఎర్లీ ఏజ్ లోనే చనిపోతాడు. అయినా తల్లి, కొడుకులు కలిసి బిజినెస్ ను మరింత స్ట్రాంగ్ గా మారుస్తారు. అయితే సంజయ్ కి పెళ్లిపై మంచి అభిప్రాయం ఉండదు. ఆ కారణంగా తల్లి ఎంత పోరు పెట్టినా పెళ్లి చేసుకోడు. తల్లి బాగా బతిమాలితే సరోగసీ ద్వారా వేరే దేశంలో ఓ కొడుకుకు జన్మనిస్తాడు. కానీ ఆ కొడుకు నెలల వయసులో ఉన్నప్పుడే బోన్ మ్యారో వస్తుంది. దాన్ని బాగు చేయాలంటే అతని సరోగేట్ మదర్ సాయం కావాలి. ఆ ప్రయత్నంలో పిల్లాడి తల్లి ఎవరు అని కనుక్కుంటే మ్యాడీ(మమితా బైజు) అని తెలుస్తుంది. ఆమె సాయం చేయాలంటే డబ్బులు అడుగుతుంది. అతని డబ్బు కొదవ కాదు కదా. అందుకే ఆమెకు డబ్బులు ఇచ్చి ఇండియాకు తీసుకు వస్తాడు. ఆ క్రమంలో మ్యాడీ, సంజయ్ మధ్య ఉన్న రిలేషన్ ఎలా ఉంది.. ఇద్దరి మధ్య 20యేళ్ల ఏజ్ గ్యాప్ ఉంటుంది కదా. మరి ఇద్దరూ ప్రేమలో పడతారా.. మధ్యలో రవీనాటాండన్ ఎపిసోడ్ ఏంటీ..? తల్లి, కొడుకుల మధ్య బంధం ఎంత గొప్పగా ఉంటుంది అనేది మిగతా కథలో చూస్తే తెలుస్తుంది.

ఎలా ఉంది :

విశ్వనాథ్ అండ్ సన్స్.. ఇది కొత్త కథ కాదు. కానీ కథనంలో ఏదో మ్యాజిక్ ఉంది. ఆ కథనం కూడా సెకండ్ హాఫ్ లో చాలా చోట్ల రొటీన్ గా ఉన్నట్టుగా అనిపిస్తుంది. అయినా చూస్తున్నంత సేపూ అవేవీ గుర్తుకు రావు. అదే మ్యాజిక్. సూర్య నటన గురించి ఎంత చెప్పినా తక్కువే. మమితా బైజు అయితే బొమ్మరిల్లులో జెనీలియాలాగా ఆ పాత్ర ఆసాంతం అదరగొట్టింది. రాధికకు చాలా రోజుల తర్వాత ఓ మంచి పాత్ర పడింది. తన నటన గురించి కొత్తగా చెప్పేదేముంది. ఇక రవీనాటాండన్ పాత్ర ఆశ్చర్యంగా ఉంది. తనూ బాగా చేసింది.
సూర్యకు పెళ్లిపై మంచి ఒపీనియన్ ఉండదు. ఆ కారణంగా పెళ్లి చేసుకోవద్దు అని బలంగా నిర్ణయించుకుంటాడు. రాధిక బలవంతం మీద, తన ఇంట్లోనే ఉండే ఓ డాక్టరమ్మ చెప్పింది అని యూఎస్ లో ఉండే ఓ డాక్టర్ తో రిలేషన్ మొదలు పెడతాడు. ఆ రిలేషన్ సీరియస్ అని చాలామంది అనుకుంటారు. కానీ అతను సరోగసీ కోసం ఓ అమ్మాయిని చూడమని ఆ డాక్టర్ కు చెబుతాడు.ఆమె కూడా అదే పనిచేస్తుంది. ఈ ఎపిసోడ్ ఇంట్రెస్టింగ్ గా ఉంది.ఇక సరోగసీ ద్వారా ఓ అబ్బాయిని తెచ్చుకుంటాడు. నెలల పిల్లాడుగా ఉన్నప్పుడే వాడికి బోన్ మ్యారో ఉందని తెలుస్తుంది. దీంతో ఒరిజినల్ అమ్మను తీసకు వస్తాడు. ఆ అమ్మే మమితా బైజు. తను అమెరికాలో ఉంటుంది. ఓ అనాథ. స్కాలర్షిప్ తో డాక్టర్ చదువుతూ ఉంటుంది. ఫైనల్ ఇయర్ లో స్కాలర్ షిప్ మిస్ అవుతుంది. ఆ డబ్బు కోసమే సరోగసికీ ఒప్పుకుంటుంది. అది తన కథ. తను ఈ సినిమా కథలోకి ఎంటర్ అయినా చాలా అంటే చాలా ఫన్నీగా ఉంటుంది. మోస్ట్ ఎంటర్టైన్మెంట్ పండిస్తుంది. ఓ దశలో సూర్యను ఇరిటేట్ చేస్తున్నట్టుగా ఉన్నా.. అవన్నీ తన కొడుకు కోసం అన్నీ భరిస్తాడు. ఓ దశలో అవన్నీ అతనూ చాలా హ్యాపీగా తీసుకోవడం మొదలు పెడతాడు. ఈ క్రమంలో మమితా బైజు అతనితో ప్రేమలో పడుతుంది. ప్రేమ గురించి చెబుతుంది. కానీ అతను ఏజ్ గ్యాప్ అని చెప్పినో చెబుతాడు. ఇంటర్వెల్ టైమ్ కు ముందే ఆమెను అమెరికా పంపే ప్రయత్నం చేస్తాడు. తను మాత్రం తిరిగి వస్తుంది. ఓ రచ్చ మొదలు పెడుతుంది. తర్వాత కథ మరో రేంజ్ కు వెళుతుంది. ఇది మూవీలో కనిపించే మెయిన్ ఎపిసోడ్.సెకండ్ హాఫ్ లో కోర్ట్ వ్యవహారం.. సరోగసీ మదర్ వాల్యూస్ అన్నీ చెబుతారు. అదే పనిలో సడెన్ గా రాధిక చనిపోతుంది. అక్కడి నుంచి కథనంలో బరువు పెరుగుతుంది. సూర్య .. రాధిక బెడ్ రూమ్ లో ఏడ్చే సీన్ చూసి అందరికీ ఏడుపు వస్తుంది. రాధిక కారణంగా రవీనాటాండన్ కూతురు వాయిదా వేద్దాం అనుకుంటుంది. కానీ సూర్యకు ఇష్టం లేకపోయినా తల్లి కోరిక కారణంగా పెళ్లి వాయిదా వేయొద్దు నేనే చేస్తా అంటాడు. ఈ క్రమంలో వచ్చే సీన్స్ అన్నీ బ్రహ్మోత్సవం మూవీని తలపిస్తాయి. బోరింగ్ కూడా ఉంటాయి. ఇదో ఎపిసోడ్.

సూర్య తనకు పెళ్లి అక్కర్లేదు అని బలంగా చెబుతాడు మమితా బైజుకు. ఆమె కూడా కన్విన్స్ అవుతుంది. తిరిగి అమెరికా వెళ్లిపోతుంది. అక్కడ తనకు ప్రత్యేకమైన ఇల్లును కేటాయిస్తాడు సూర్య. అలాగే తన చదువుకు సంబంధించి అన్ని విషయాలూ వ్యక్తిగతంగా తీసుకుంటాడు. మమితా బైజు కూడా సీరియస్ గా చదవడం మొదలు పెడుతుంది. కాలేజ్ టాపర్ గా మిగులుతుంది. ఈ లోగా అప్పుడప్పుడు ఆ పిల్లవాడిని ఆమెకు చూపిస్తుంటారు. అలా ఆ పిల్లాడు ఏడేళ్ల వాడుగా మారతాడు. అప్పుడు మళ్లీ సూర్యను కలుస్తుంది మమితా బైజు. అప్పుడు సూర్య తన తల్లి పేరు మీదుగా ఓ హాస్పిటల్ కట్టాను అని.. ఆ హాస్పిటల్ ను నువ్వే చూసుకోవాలని మమితా బైజుకు చెబుతాడు. ఇది ఓ ఎపిసోడ్.క్లైమాక్స్ ఏంటీ అనేది సినిమా చూస్తే కానీ తెలియదు. అలాగని ఇదేమీ ఊహించలేనిదేం కాదు. బట్ చూస్తేనే బావుంటుంది కదా. అది.. కథ మొత్తం. ఈ నెరేషన్ మొత్తం వెంకీ అట్లూరి రైటింగ్ వల్ల బావున్నట్టుగా అనిపిస్తుంది. అంటే క్రెడిట్ అంతా దర్శకుడుదే కాదు.. ఆ రైటింగ్ ను అర్థం చేసుకున్న సూర్యది కూడా. అదీ మేటర్.

టెక్నికల్ గా :

ఎందుకో కానీ జి.వి. ప్రకాష్ కుమార్ సంగీతం అంత ఎఫెక్టివ్ గా కనిపించలేదు. అలాగని బాలేదా అంటే బానే ఉంది. బట్ సూపర్ అనలేం. సినిమాటోగ్రఫీ చాలా బావుంది. ఎడిటింగ్ పరంగా కొన్ని లోపాలున్నాయి.. అంటే దర్శకుడి టేకింగే ఇది. డైలాగ్స్ బావున్నాయి. కాస్ట్యూమ్స్ బావున్నాయి. ప్రొడక్షన్ వాల్యూస్ రిచెస్ట్ గా ఉన్నాయి.
దర్శకుడుగా వెంకీ అట్లూరికి ఇది హ్యాట్రిక్ బ్లాక్ బస్టర్ అని ఖచ్చితంగా చెప్పొచ్చు. ఫైనల్ గా ఈ మూవీకి ఆ టైటిల్ కు అస్సలు ఏ సంబంధం ఉండదు. అది కాస్త లోపంగా కనిపిస్తుంది.

ఫైనల్ గా : వెంకీ అట్లూరి అండ్ హిట్స్

రేటింగ్ : 3/5

K.Y.R