సూర్యకు బ్లాక్ బస్టర్ గ్యారెంటీనా

సూర్య హీరోగా నటించిన మూవీ విశ్వనాథ్ అండ్ సన్స్. వెంకీ అట్లూరి డైరెక్ట్ చేసిన ఈ చిత్రంలో ఫీమేల్ లీడ్ లో మమితా బైజు నటించింది. మరికొన్ని గంటల్లో మూవీ విడుదల కాబోతోంది. అయితే ఈ మూవీకి ముందు నుంచి భారీ రెస్పాన్స్ కనిపిస్తోంది. స్ట్రాంగ్ ప్రమోషన్స్ లేకపోయినా.. ఈ కంటెంట్ పై చాలామందికి నమ్మకం ఉంది. అందుకే ఈ మూవీ ష్యూర్ బ్లాక్ బస్టర్ కాబోతోందని చాలామంది భావిస్తున్నారు.

విశ్వనాథ్ అండ్ సన్స్ కథేంటీ

విశ్వనాథ్ అండ్ సన్స్ రివ్యూగా చూస్తే.. ఈ మధ్య కాలంలో మన తెలుగు సినిమాల్లోని హీరోల పాత్రలన్నీ కూడా ఊరమాస్ లుక్ తో, రగ్ డ్ గా ఉంటున్నాయి. ఆ విషయంలో కాస్త మొనాటనీ కూడా మొదలైంది. అందుకు భిన్నంగా విశ్వనాథ్ అండ్ సన్స్ ఆల్ట్రా క్లాసిక్ గా కనిపిస్తోంది. హీరో సూర్య.. గజినిలో లాగా ఈ మూవీలో కూడా సంజయ్ పాత్రలో కనిపించాడు. అతను చాలా అంటే చాలా రిచెస్ట్ మనిషి. ఏం కావాలన్నా క్షణాల్లో అందుకోగలడు అనేలా ఉంటాడు. అలాంటి మనిషి సరోగసీలో ఓ అబ్బాయిని పొందుతాడు. అదెలా అంటే సినిమా చూస్తే అర్థం అవుతుంది. అక్కడి నుంచి మమితా బైజు పాత్ర ఎంటర్ అవుతుంది. ఓ రకంగా చూస్తే బొమ్మరిల్లులో జెనీలియా పాత్రకు మించిన అల్లరి పిల్లగా, హై టెంపర్ అమ్మాయి పాత్రలో అద్భుతంగా అదరగొట్టింది మమితా బైజు. అలాగే రాధిక పాత్ర సైతం చాలా పవర్ ఫుల్ గా ఉంటుంది. ఫస్ట్ హాఫ్ మొత్తం చాలా అంటే చాలా బావుంటుంది.

సూర్య..పవన్ కళ్యాణ్ కు మించి నటించాడా.

సెకండ్ హాఫ్ స్టార్ట్ అయిన తర్వాత కాస్త స్లోగా మొదలవుతుంది. అయితే సెకండ్ హాఫ్ మాత్రం కొన్ని సీన్స్ లో అత్తారింటికి దారేదీ, ప్రభాస్ హీరోగా నటించిన మిస్టర్ పర్ఫెక్ట్ ను కంపేర్ చేసే అవకాశాలు చాలా ఉన్నాయి. అయినా మూవీ క్లాస్ గా ఆకట్టుకుంటుంది. అలాగే క్లైమాక్స్ లో సూర్య చేసిన నటన చూసి కన్నీళ్లు పెట్టని ప్రేక్షకుడు ఉండడు అంటే అతిశయోక్తి కాదు. అంత అద్భుతమైన నటనతో అదరగొట్టాడు. ఓ రకంగా అత్తారింటికి దారేదీలో పవన్ కళ్యాణ్ కు మించిన నటనతో ఆకట్టుకుంటాడు సూర్య.

వెంకీ అట్లూరికి హ్యాట్రిక్ ఖాయం

టెక్నికల్ గా జివి ప్రకాష్ కుమార్ తనకే సొంతమైన ట్యూన్స్ తో అదరగొట్టాడు. ఆర్ఆర్ తో మూవీని మరో స్థాయిలో నిలబెట్టాడు. దర్శకుడుగా వెంకీ అట్లూరికి ఇది హ్యాట్రిక్ హిట్. అతను డైరెక్ట్ చేసిన సార్ మూవీ హిట్ అయింది. తర్వాత లక్కీ భాస్కర్ తో సూపర్ హిట్ కొట్టాడు. ఇప్పుడు విశ్వనాథ్ అండ్ సన్స్ తో బిగ్గెస్ట్ బ్లాక్ బస్టర్ కొట్టడం ఖాయం అని చెప్పొచ్చు.