యశ్ టాక్సిక్ మూవీ హిట్టా.. ఫట్టా.. కంప్లీట్ రివ్యూ
kalyan5023@gmail.com
- August 26, 2026
రివ్యూ : టాక్సిక్
ఆర్టిస్ట్స్ : యశ్, నయనతార, కియారా అద్వానీ, హ్యూమా ఖురేషీ, తారా సుతారియా, రుక్మిణీ వసంత, అక్షయ్ ఒబెరాయ్, డారెల్ డి. సిల్వా తదితరులు
సినిమాటోగ్రఫీ : రాజీవ్ రవి
ఎడిటర్ : ఉజ్వల్ కులకర్ణి
పాటల సంగీతం : విశాల్ మిశ్రా, రవి బస్రూర్, తనిష్క్ భాగ్చీ
నేపథ్య సంగీతం : రవి బస్రూర్
నిర్మాతలు : వెంకట్ కె. నారాయణ, యశ్
దర్శకత్వం : గీతూ మోహన్ దాస్
టాక్సిక్.. ఈ మూవీ గురించి చాలామంది చాలా రకాలుగా మాట్లాడుకున్నారు. కేజీఎఫ్ రెండు ఫ్రాంఛైజీలు అయిపోయిన తర్వాత యశ్ నుంచి వస్తోన్న మూవీ ఇది. పైగా దాదాపు నాలుగేళ్ల టైమ్ తీసుకున్నారు. ఇవన్నీ ఒకెత్తైతే దాదాపు వెయ్యి కోట్ల బడ్జెట్ తో రూపొందిన ఈ చిత్రానికి ఓ మహిళా దర్శకురాలు ఉండటం ఎసెట్ గా ఉంది. టీజర్, ట్రైలర్ తో అంచనాలు పెంచారు. మరి ఆ అంచనాలను టాక్సిక్ రీచ్ అయిందా అనేది చూద్దాం.
కథ :
1920ల ప్రాంతంలో కథ మొదలవుతుంది. ప్రధానంగా 1940స్ లో సాగుతుంది. బ్రిటీష్ వారు ఉన్నప్పుడు వెళ్లిన తర్వాత సాగే కథ ఇది. గోవా ఉండే లో రాయ(యశ్)గంగ(నయనతార) అక్కా తమ్ముళ్లు. వీళ్లది రాయల్ ఫ్యామిలీ. కానీ రాయ పుట్టగానే తల్లి తండ్రులను కొందరు చంపేస్తారు. ఇద్దరూ అనాథలవుతారు. తమ్ముడి కోసం గంగ చాలా త్యాగాలు చేస్తుంది. సమాజంలో జరిగే చాలా పరిణామాలన్నీ చూసి ఇద్దరూ మెల్లగా గ్యాంగ్ స్టర్స్ గా మారిపోతారు. గోవాను శాసించే మరో గ్యాంగ్ స్టర్ తో జత కడతారు. ఆ గ్యాంగ్ స్టర్ కూతును పెళ్లి చేసుకుంటాడు రాయ. అదే టైమ్ లో ఓ సర్కస్ లో పనిచేసే నాడియా పరిచయం అవుతుంది రాయకు. ఆమెతో ప్రేమలో పడతాడు. అలా ప్రేమలో పడిన నాడియా అనుకోకుండా గంగను చంపేస్తుంది. మరి ఎందుకు గంగను చంపింది. తర్వాత నాడియాపై రాయ పగ తీర్చుకుంటాడా.. దీంతో పాటు ఇతర దేశాల్లో చాలామందిని గ్యాంగ్ స్టర్స్ ను రాయ చంపడం ఎలా చూస్తారు..? తర్వాత రాయ లైఫ్ లోకి మరో అమ్మాయి ఎలా వచ్చింది అనేది మిగతా కథ.
టాక్సిక్ ఎలా ఉంది :
సింపుల్ గా చూస్తే టాక్సిక్ ఓ పరమ బోరింగ్ మూవీ. కథ ఇది అనేది తెలియడానికి చాలా టైమ్ పడుతుంది. తెలిసిన తర్వాత అసలేముందీ ఇందులో అనిపిస్తుంది. మేకింగ్ పరంగా బానే ఉన్నా టేకింగ్ పరంగా ఓకే అనిపించుకున్నా కథలో పసలేదు. కథనం ఏ మాత్రం ఆకట్టుకోదు. ఓ రకంగా సినిమా అంతా విపరీతమైన మందు, సిగరెట్లు, చంపడాలు, ఇంటిమేట్ సీన్స్ తోనే నింపేశారు. అసలు ఎవరు ఎవరిని ఎందుకు చంపుతున్నారు అనేది అసలు క్లారిటీగా ఉండదు. పీరియాడిక్ మూవీ అంటే అంతమంది జనంతో ఎందుకు చూపించారో అర్థం కాదు. గోవా అంటే ఆ టైమ్ లో ఇంత జనాభా కూడా ఉండదు. అలాంటిది అందరినీ కోటీశ్వరులుగా చూపించడం ఏంటో తెలియదు.
యశ్ ఇంకా కేజీఎఫ్ దాటలేదు అని అర్థమైంది. సినిమాటోగ్రఫీ ఇంకా కేజీఎఫ్ ఫ్లేవర్ లోనే ఉండటం మైనస్ గా మారింది. గంగ పాత్రలో నయనతార పాత్ర బావుంది. నటన కూడా బావుంది. కానీ సీన్స్ లో కరెక్ట్ కనెక్టివిటీ లేకపోవడం బిగ్గెస్ట్ మైనస్ గా కనిపిస్తుంది. రుక్మిణి వసంత్ పాత్ర ఎందుకు ఉందో.. ఆమె ఎందుకు అతనితో ప్రేమలో పడుతుందో అస్సలు అర్థం కాదు. పైగా గోవాలో సాగే కథనం కదా.. సడెన్ గా మంచు కొండల్లో సాగుతుంది. మరి గోవాలో మంచు కొండలు ఎందుకు ఉన్నాయోమో తెలియదు.
చెప్పుకుంటూ పోతే ఈ మూవీలో ఒక్కటంటే ఒక్కటి కూడా పాజిటివ్ సీన్ ఉండదు. యశ్ పాత్ర చూస్తే ఏకంగా వెయ్యికి పైగా సిగరెట్లు ముట్టించినట్టు, వెయ్యికి పైగా బాటిల్స్ మందు తాగినట్టుగానూ ఉంటుంది. ఇది చూస్తే ఓ రకంగా అసహ్యంగా అనిపించింది తప్ప సినిమాటిక్ గా మాత్రం అస్సలు లేదు. రాసిన వారికి, తీస్తున్న వారికి అంటే మైండ్ దొబ్బింది అనుకోవచ్చు.. ఓ ప్యాన్ ఇండియా హీరోకు అయినా ఈ సీన్స్ ఎందుకు అనే ప్రశ్న రావాలి కదా.
ఉన్నంతలో కియారా అద్వానీ పాత్ర బావుంది. తన నటన కూడా బావుంది అంతే. అంతకు మించి పాజిటివ్ అంశాలేమీ లేవీ మూవీలో. హ్యూమా ఖురేషీ, తారా సుతారియా పాత్రలు జస్ట్ ఓకే అనిపిస్తాయి. పైగా ఆ పాత్రలు కూడా విపరీతంగా తాగడం, సిగరెట్లు కాల్చడం కనిపిస్తుంది. మిగతా పాత్రలేవీ రిజిస్టర్ కాలేదు. అసలు ఎవరు విలన్ అనేది క్లారిటీ ఉండదు. అంత మాత్రం చేత అదే పనిగా గన్నులు, కత్తులు వాడటం ఏంటనేది ఏ మాత్రం లాజిక్ అందని మూవీ ఇది.
యశ్ మాత్రం ఇంకా కేజీఎఫ్ హ్యాంగోవర్ నుంచి బయట పడలేదు అనేది తెలుస్తోంది. కేజీఎఫ్ తో రెండు భారీ విజయాలు అందుకున్న అతను టాక్సిక్ తో ఆ టాక్సిక్ మొత్తం పోగొట్టుకున్నాడు అనే చెప్పాలి.
టెక్నికల్ గా
నేపథ్య సంగీతం బావుంది. సినిమాటోగ్రఫీ కేజీఎఫ్ ను ఫాలో అయినట్టుగా ఉంది. ఎడిటింగ్ లెక్కలేనన్ని మైనస్ లు కనిపిస్తాయి. ఆ మాటకొస్తే కథ, కథనాల్లో విషయం లేనప్పుడు టెక్నికల్ గా ఏం చేసినా పెద్దగా వర్కవుట్ అవదు. ప్రొడక్షన్ వాల్యూస్ కోసం చాలా ఖర్చు చేశారు. తెరంగా కోట్లు కుమ్మరించినట్టు తెలుస్తుంది. కానీ దాని అవసరం ఏంటీ అనేది ఒక్క ఫ్రేమ్ లో కూడా అర్థం కాదు. ఓ రకంగా ఇదో అనవసరమైన దుబారా అని ఖచ్చితంగా చెప్పొచ్చు.
దర్శకురాలులో ఏం చేసి యశ్ ఓకే చెప్పాడో అనేది ఇప్పటికీ అర్థం కాని విషయం. నిజంగా గీతూ మోహన్ దాస్ లో మినిమం విషయం కూడా లేదు అనేది స్పష్టంగా అర్థం అవుతోంది. ఏదేమైనా టాక్సిక్ ఓ పెద్ద టార్చర్ అనేది భాషతో సంబంధం లేకుండా అందరికీ అర్థమయ్యేలానే ఉంది.
ఫైనల్ గా : టాక్సిక్.. టార్చర్ కు పర్యాయపదం
రేటింగ్ : 1.5/5
K.Y.R
Yaswanthrao Rao
