ఓటిటిలోకి లోకేష్ మూవీ

లోకేష్ కనకరాజ్ హీరోగా నటించిన మూవీ ‘డి.సి’. డి అంటే దేవదాస్ సి అంటే చంద్ర అని అర్థం. ఈ ఇద్దరి పేర్ల మొదటి అక్షరాలతోనే మూవీ టైటిల్ సెట్ చేశారు. వామికా గబ్బి హీరోయిన్ గా నటించిందీ మూవీలో. అరుణ్ మాతేశ్వరన్ దర్శకుడు. ఆగస్ట్ 7న విడుదలైన డిసికి అద్బుతమైన టాక్ వచ్చింది. భారీ వసూళ్లు కూడా వచ్చాయి. ఎవరూ ఊహించిన కంటెంట్ తో అదరగొట్టిందీ మూవీ. లోకేష్ కనకరాజ్, వామికా గబ్బిల నటన మాత్రం మరో స్థాయిలో ఉంది అనే చెప్పాలి.

గ్యాంగ్ స్టర్ కథగా డి.సి

డిసి ఓ గ్యాంగ్ స్టర్ కథ. అలాగని బిగ్గెస్ట్ గ్యాంగ్ స్టర్ ఏం కాదు. చిన్నప్పుడే బంధువులను చంపేసిన ఓ కుర్రాడు జైలుకు వెళ్లి బయటకు వచ్చిన తర్వాత దొంగతనాలు, దోపిడీలు చేస్తూ ఉంటాడు. ఈ క్రమంలో అతన్ని తండ్రి దగ్గరకు రానివ్వడు. ఓ సారి పోలీస్ ల వద్దే తుపాకులు దొంగిలిస్తారు. ఈ తుపాకీలను బ్లాక్ మార్కెట్ లో అమ్మేస్తుంటాడు. ఈ క్రమంలో తుపాకులను అమ్మే టైమ్ లో మరో పోలీస్ గ్యాంగ్ వారిని తరుముతూ ఉంటుంది. ఆ పోలీస్ ల నుంచి తప్పించుకునే క్రమంలో వచ్చిన సంఘటనలే నేపథ్యంగా కనిపిస్తుంది. ఈ క్రమంలో మొదట ఓ అమ్మాయిని చూసి ఇష్టపడతాడు. కట్ చేస్తే అదే పోలీస్ లు ఆమెను చంపేస్తారు. తర్వాత మరో అమ్మాయితో జర్నీ సాగిస్తాడు. ఆమె ఓ వేశ్య. మరి చివరికి ఏం జరిగింది అనేది సినిమా చూస్తే కానీ తెలియదు.

అరుణ్ మాతేశ్వర్ డైరెక్షన్ ఎక్స్ లెంట్

డి.సి మూవీ మేకింగ్, టేకింగ్, షాట్ డివిజన్, స్క్రీన్ ప్లే నెక్ట్స్ లెవల్ లో ఉంటాయి. ఓ రకంగా లిమిటెడ్ లొకేషన్స్, లిమిటెడ్ బడ్జెట్ తో ఓ అద్భుతాన్నే సృష్టించాడు దర్శకుడు అరుణ్ మాతేశ్వరన్. అతని డైరెక్షన్ కు వందకు వంద మార్కులు వేయొచ్చు. అలాంటి మూవీ థియేటర్స్ లో చూసిన వాళ్లంతా షాక్ అయ్యారు. ఈ మూవీ ఈ రేంజ్ లో ఉందేంట్రా అని అంతా ఆశ్చర్యపోయారు.

డిసికి ఓటిటిలో ఎలాంటి రెస్పాన్స్ వస్తుందో

డి.సి మూవీని ఇప్పుడు ఓటిటిలోకి విడుదల చేయబోతున్నారు. సెప్టెంబర్ 4నుంచి ఇది అమెజాన్ తో పాటు సన్ నెక్ట్స్ లో స్ట్రీమ్ కాబోతోంది. తెలుగు, తమిళ్, కన్నడ, మళయాల తో పాటు హిందీలో కూడా స్ట్రీమ్ కాబోతోంది. మరి లోకేష్ కనకరాజ్ మూవీకి ఓటిటిలో ఎలాంటి అప్లాజ్ వస్తుంది అనేది చూడాలి.