అఖిల్ అక్కినేని నెక్ట్స్ మూవీ

అఖిల్ అక్కినేని అంటే ఆ ఫ్యామిలీ లెగసీని ముందుకు తీసుకువెళ్లే హీరో అనుకున్నారు. ఆల్రెడీ నాగ చైతన్య సత్తా చాటుతున్నాడు. బట్ అఖిల్ అక్కినేని విషయంలో అది కనిపించలేదు. గ్రాండ్ గా ఎంట్రీ ఇచ్చినా.. ఆ మూవీతో డిజాస్టర్ చూశాడు. ఏమైతేనేం.. ఒక్క హిట్ కోసం పదేళ్లకు పైగా వెయిట్ చేశాడు. ఫైనల్ గా లెనిన్ తో హిట్ అందుకున్నాడు. ఇక గేర్ మార్చినట్టు కనిపిస్తున్నాడు. వరుస మూవీస్ తో దూసుకుపోయే ప్రయత్నాల్లో ఉన్నాడు. ఈ క్రమంలో ఓ కొత్త దర్శకుడితో సినిమాకు రెడీ అవుతున్నాడు. ఇప్పుడు మరో దర్శకుడు కూడా అఖిల్ అక్కినేని లైన్ లోకి వచ్చాడు.

పవన్ సాదినేని దర్శకత్వంలో అఖిల్

అఖిల్ అక్కినేని హీరోగా పవన్ సాదినేని ఓ మూవీ చేయబోతున్నాడు అనే టాక్ బలంగా వినిపిస్తోంది. ప్రస్తుతం పవన్ సాదినేని .. దుల్కర్ సల్మాన్ తో ఆకాశంలో ఒక తార మూవీ చేస్తున్నాడు. ఇది ప్రామిసింగ్ గా కనిపిస్తోంది. ఈ మూవీ తర్వాతే అఖిల్ అక్కినేనితో మూవీకి సిద్ధం అవుతున్నట్టు వార్తలు వస్తున్నాయి. ఇప్పటికే ఇద్దరి మధ్య కథకు సంబంధించిన చర్చలు జరిగినట్టు టాక్ వినిపిస్తోంది. ఆకాశంలో ఒక తార పూర్తయిన తర్వాత ఈ కథ మీద పూర్తి స్థాయి చర్చలు సాగిస్తారని చెబుతున్నారు.

త్వరలోనే అఫీషియల్ అనౌన్స్ మెంట్

అఖిల్ అక్కినేని అయితే ఇకపై గ్యాప్ తీసుకోకూడదు అని అనుకుంటున్నాడు. అందుకే చాలామంది దర్శకుల కథలు వింటున్నాడు. ఇందులో భాగంగానే ఇప్పుడు ఓ కొత్త దర్శకుడితో మూవీ చేయాలనుకుంటున్నాడు. తర్వాత పవన్ సాదినేనితో వెళ్లబోతున్నాడు. అయితే ఈ కాంబినేషన్ గురించి అఫీషియల్ న్యూస్ ఇంకా రావాల్సి ఉంది.