బాలకృష్ణ, నాగార్జున బరిలో దిగుతారా

నందమూరి బాలకృష్ణ(Nandamuri Balakrishna) దూకుడు బాగా పెంచాడు. వరుసగా హిట్ మూవీస్ చేస్తున్నాడు. అఖండ 2తో డబుల్ హ్యాట్రిక్ మిస్ అయింది. అయినా రెట్టించిన ఉత్సాహంతో ఇప్పుడు గోపీచంద్ మలినేని(Gopichand Malineni) డైరెక్షన్ లో మూవీ చేస్తున్నాడు. ఈ మూవీ టైటిల్ ను ఈ నెల 6న అనౌన్స్ చేస్తాం అని ప్రకటించారు. మధ్యలో బాలయ్య(Balayya) కాస్త గాయపడటంతో షూటింగ్ కు గ్యాప్ వచ్చింది. లేదంటే ఈ మూవీ ఈ దసరాకే రావాల్సి ఉంది. యాక్సిడెంట్ కారణంగా ఆయన ప్రస్తుతం రెస్ట్ లో ఉన్నాడు.

నాగ్ మూవీ రిలీజ్ డేట్ అనౌన్స్

అక్కినేని నాగార్జున(Akkineni Nagarjuna) కాస్త స్లో అయ్యాడు. అయినా తన వందో సినిమాపై భారీ నమ్మకం పెట్టుకున్నాడు. రీసెంట్ గా తన బర్త్ డే స్పెషల్ గా విడుదల చేసిన గ్లింప్స్ కు అద్భుతమైన రెస్పాన్స్ వస్తోంది. రా. కార్తీక్(Ra. Karthik) డైరెక్ట్ చేస్తున్న మూవీ ఇది. నాగార్జున 100వ సినిమాను ఓ మైల్ స్టోన్ గా మలచుకోవాలని ప్రయత్నిస్తున్నాడు. ఈ క్రమంలో గ్లింప్స్ తో పాటు మూవీ రిలీజ్ డేట్ కూడా ప్రకటించారు. డిసెంబర్ 24న నాగార్జున 100వ సినిమా విడుదల చేస్తాం అని చెప్పారు. ఇక్కడే బాలకృష్ణ ఫ్యాన్స్ తో పాటు మూవీ టీమ్ కూడా ఓ డైలమాలో పడిపోయారు.

బాలయ్య కూడా అదే డేట్ కేనా

నందమూరి బాలకృష్ణ, గోపీచంద్ మలినేని మూవీ కూడా డిసెంబర్ 24నే విడుదల చేస్తారు అని చాలా రోజులుగా వార్తలు వస్తున్నాయి. ఇప్పుడు అదే డేట్ లో నాగార్జున వస్తున్నాడు అంటే పోటీ తప్పదు అనిపించేలానే ఉంది. లేదంటే నందమూరి బాలకృష్ణ కొంత ముందుగా విడుదలయ్యే అవకాశాలు కూడా ఉన్నాయి అని వినిపిస్తోంది. అంటే డిసెంబర్ సెకండ్ వీక్ లో బాలకృష్ణ మూవీ విడుదలవుతుందని చెబుతున్నారు.

బాలయ్య, నాగ్ పోటీ తప్పదా

బాలకృష్ణ, నాగార్జున ఇద్దరూ ఒకేసారి వస్తే మాత్రం పోటీ ఓ రేంజ్ లో ఉంటుందనుకోవచ్చు. పైగా ఇద్దరి మధ్య వ్యక్తిగతమైన వైరం కూడా ఉంది. ఇద్దరికీ ఒకరంటే ఒకరికి పడదు. సో.. ఇద్దరూ డిసెంబర్ 24నే వస్తే అభిమానులకు మాత్రం ఓ పెద్ద పని పడబోతోంది అనుకోవచ్చు.