విజయ్ సేతుపతి కథ అంటే గ్యారెంటీ

విజయ్ సేతుపతి(Vijay Sethupathi) అంటే బలమైన కథలతో ఆకట్టుకునే హీరో. ఒకవేళ ఆ సినిమాలు బాక్సాఫీస్ వద్ద పోయినా.. కంటెంట్ పరంగా మాత్రం విమర్శలు రావు. అందుకే అతని మూవీస్ ని అన్ని వర్గాల ఆడియన్స్ కూడా ఇష్టపడుతుంటారు. అయితే ఇప్పటి వరకు మెజారిటీగా తమిళ్ డైరెక్టర్స్ తో మాత్రమే వర్క్ చేసిన విజయ్ సేతుపతి ఆ మధ్య ఉప్పెన మూవీతో బాగా మెప్పించాడు. ఇప్పుడు పూరీ జగన్నాథ్(Puri Jagannadh) తో ‘స్లమ్ డాగ్ – 33 టెంపుల్ రోడ్’(SlumDog – 33 Temple Road) అనే మూవీ చేస్తున్నాడు. ఓ రకంగా ఈ మూవీ షూటింగ్ పూర్తయింది. ప్రస్తుతం పోస్ట్ ప్రొడక్షన్ లో ఉంది. రీసెంట్ గా టీజర్ తో వచ్చారు. తాజాగా ఈ మూవీలో కీలకమైన పాత్ర చేస్తున్న టబు(Tabu)కు సంబంధించిన గ్లింప్స్ విడుదల చేశారు. ఈ గ్లింప్స్ చూడగానే ఆకట్టుకునేలా ఉంది.

జాతీయ స్థాయిలో పాపులర్ అయిన టబు

టబు అంటే నేషనల్ వైడ్ గా చాలా పాపులర్ అయిన నటి అని అందరికీ తెలిసిందే. అయితే తను కూడా చాలాకాలంగా తెలుగు సినిమాలు చేయడం లేదు. ఇలాంటి టైమ్ లో పూరీ జగన్నాథ్ తో వర్క్ చేయడం మాత్రం చాలామందికి నచ్చింది. కథలు చెప్పడంలో పూరీ తర్వాతే ఎవరైనా అనే మాట కొన్నాళ్ల క్రితం ఉంది. బట్ ఇప్పుడు ఒకే కథతో వరుసగా సినిమాలు చేస్తున్నాడు అనే విమర్శలున్నాయి అతనిపై. ఆ కారణంగానే కొన్నాళ్లుగా సరైన హిట్ లేక ఇబ్బంది పడుతున్నాడు. అందుకే ఇప్పుడు స్లమ్ డాగ్ అతనికి డూ ఆర్ డై గా మారింది.

టబు గ్లింప్స్  బావుంది

ఇక టబు(TABU as GAURI HEGDE)కు సంబంధించిన గ్లింప్స్ మాత్రం ఇన్ స్టంట్ గా చాలామందికి నచ్చేలా ఉంది. తను ఈ మూవీలో గౌరీ హెడ్డే అనే పవర్ ఫుల్ పోలీస్ ఆఫీసర్ గా కనిపిస్తోంది. ఒక బస్తీలో ఉండే యూత్ ను టార్గెట్ చేస్తూ అందరినీ కొడుతున్న సీన్ లా ఉంది ఈ గ్లింప్స్. ఈ గ్లింప్స్ లో ‘మా ఓల్డ్ సిటీలో ఫస్ట్ కాలుస్తాం.. తర్వాత మాట్లాడతాం’అనే డైలాగ్ బావుంది. ఇన్ కమ్ ట్యాక్స్ డిపార్ట్ మెంట్ లో డిప్యూటీ కమీషనర్ గా కనిపిస్తోంది టబు. ఇక ఈ గ్లింప్స్ లో విజయ్ సేతుపతితో కూడా కొన్ని షాట్స్ ఉన్నాయి.

త్వరలో విడుదల కాబోతోన్న స్లమ్ డాగ్

ఏదేమైనా పూరీ జగన్నాథ్ ఈ సారి ఖచ్చితంగా కొట్టబోతున్నాడు అని చాలామంది భావిస్తున్నారు. మరి అతను కొడతాడా లేదా అనేది తెలియదు కానీ.. ఈ గ్లింప్స్ తో టబును చాలా పవర్ ఫుల్ గా ప్రజెంట్ చేశారు. మరి మూవీ త్వరలోనే విడుదల చేస్తాం అని కూడా ఈ గ్లింప్స్ లో చెప్పేశారు.