సమంత రూట్ మార్చింది

-ప్రపంచవ్యాప్తంగా ప్రేక్షకుల ఆదరణ పొందిన కుకింగ్ ఫార్మాట్‌కు తమిళ నేటివిటీతో సరికొత్త రూపం.. సోనీ విళా, సోనీ లివ్‌లో ఆహారం, రుచులు, భావోద్వేగాలు, అనుబంధాలను సెలబ్రేట్ చేయడానికి తమిళ ఎంటర్‌టైన్‌మెంట్ రంగానికి చెందిన పలువురు ప్రముఖులను ఒక్కచోటికి తీసుకొస్తున్న సమంత రూత్ ప్రభు

సోనీ పిక్చర్స్ నెట్‌వర్క్స్ ఇండియా తాజాగా ‘సెలబ్రిటీ మాస్టర్‌చెఫ్ తమిళ్‌’ను ప్రకటించింది. ప్రపంచవ్యాప్తంగా గుర్తింపు పొందిన ఈ కుకింగ్ ఫార్మాట్‌ను తమిళ ప్రేక్షకుల కోసం సోనీ విజా, సోనీ లివ్‌లో స్టార్ హీరోయిన్‌ సమంత రూత్ ప్రభు హోస్ట్ చేస్తుండ‌టం విశేషం.

సెలబ్రిటీలు, ఫుడ్, కాంపిటీషన్‌.. ఈ మూడు ప్రపంచాలను ఒకే ద‌గ్గ‌ర‌కి తీసుకొస్తూ ‘సెలబ్రిటీ మాస్టర్‌చెఫ్ తమిళ్‌’ రూపొందుతోంది. తమిళ ఎంటర్‌టైన్‌మెంట్ రంగానికి చెందిన పలువురు ప్రముఖులు తొలిసారి సెట్స్ నుంచి కిచెన్‌లోకి అడుగుపెట్టి.. కఠినమైన వంటలకు సంబంధించిన‌ సవాళ్లు, ఊహించని ట్విస్టులు, ఒత్తిడిని ఎదుర్కోబోతున్నారు. ప్రేక్షకులను మెప్పించడంతో పాటు.. ప్రతి ఛాలెంజ్‌లో విజయం సాధించేలా రుచికరమైన వంటకాలను తయారు చేస్తూ తమ టాలెంట్‌ను నిరూపించుకోబోతున్నారు.

నిర్మాతగా బనిజె ఏషియా

బనిజె ఏషియా నిర్మిస్తోన్న‌ ‘సెలబ్రిటీ మాస్టర్‌చెఫ్ తమిళ్‌’.. ప్రపంచవ్యాప్తంగా గుర్తింపు పొందిన మాస్టర్‌చెఫ్ ఫార్మాట్‌ను ఆధారంగా చేసుకుని రూపొందుతోంది. అయితే తమిళ నేటివిటీకి తగ్గట్టుగా లోకల్ ఫ్లేవర్స్‌, ప్రేక్షకులకు సుపరిచితమైన సెలబ్రిటీలు, తమిళ సెలబ్రిటీ కల్చర్‌లోని ప్రత్యేకమైన కెమిస్ట్రీకి ప్రాధాన్యతనిస్తూ ఈ షోను రూపొందిస్తున్నారు.

‘సెలబ్రిటీ మాస్టర్‌చెఫ్ తమిళ్‌’ సోనీ విళాలో కీలకమైన ఎంటర్‌టైన్‌మెంట్ షోగా నిలవనుంది. అలాగే ఈ షో సోనీ లివ్‌తో పాటు డిజిటల్ ప్లాట్‌ఫామ్స్‌లోనూ అందుబాటులోకి రానుంది. మెయిన్ ఎపిసోడ్స్‌కు మించి ప్రేక్షకులను మరింత ఎంగేజ్ చేసేలా ప్రత్యేకమైన షార్ట్ ఫార్మ్ కంటెంట్‌ను కూడా అందించనున్నారు. సెలబ్రిటీల కుకింగ్ జర్నీ, వారు ఎదుర్కొనే ఛాలెంజెస్, కిచెన్‌లో చోటుచేసుకునే ఆసక్తికరమైన, మరిచిపోలేని మూమెంట్స్‌ను ఈ ఎక్స్‌క్లూజివ్ కంటెంట్ ద్వారా ప్రేక్షకులకు చూపించనున్నారు.

సమంత మాట్లాడుతూ..

“ఈ షోలో పాల్గొంటుండ‌టం ఎంతో ఎగ్జైటెడ్‌గా ఉంది. నేను ఇప్పటివరకు చేసిన వాటన్నింటికంటే ‘సెలబ్రిటీ మాస్టర్‌చెఫ్ తమిళ్‌’ చాలా డిఫరెంట్‌గా ఉంటుంది. అదే ఈ షోకు నేను నో చెప్పలేకపోవడానికి ప్రధాన కారణం. అంద‌రినీ ఒకేచోటికి తీసుకురావడంలో, మధురమైన జ్ఞాపకాలను సృష్టించడంలో, సాధారణంగా కెమెరాల ముందు కనిపించని మనలోని మరో కోణాన్ని బయటపెట్టడంలో ఫుడ్‌కు ఓ ప్రత్యేకమైన శక్తి ఉంది. ముఖ్యంగా మనకు ఎంతో ఇష్టమైన తమిళ సెలబ్రిటీలు కిచెన్‌లోకి అడుగుపెట్టి, రిస్క్‌లు తీసుకోవడం, తప్పులు చేయడం, తమను తామే సర్‌ప్రైజ్ చేసుకోవడం, మనం ఊహించిన దానికంటే ఎక్కువ ప్యాషన్‌తో పోటీప‌డ‌టాన్ని చూడ‌టానికి నేను ఎంతో ఆసక్తిగా ఎదురుచూస్తున్నాను. ఎవరు కిచెన్‌లో వంట చేయబోతున్నారో ఇప్పుడే చెప్పాలని నాకూ ఉంది.. కానీ అలా చెబితే అసలు ఫన్ ఏముంటుంది? సోనీ విళాతో కలిసి మేం ఏం వండబోతున్నామో అందరూ చూసి ఎంజాయ్ చేసే రోజు కోసం ఎదురుచూస్తున్నాను” అన్నారు.

సమంత రూత్ ప్రభు హోస్ట్‌గా వ్యవహరిస్తూ..తమిళ ఎంటర్‌టైన్‌మెంట్ రంగానికి చెందిన పలువురు ప్రముఖులు కిచెన్‌లోకి అడుగుపెట్టనున్న ‘సెలబ్రిటీ మాస్టర్‌చెఫ్ తమిళ్‌’.. సెలబ్రిటీ కుకింగ్‌కు సరికొత్త వినోదాన్ని తీసుకురానుంది. ఫుడ్, ఫేమ్, కాంపిటీషన్‌తో పాటు తమిళ సంస్కృతిలోని ఆప్యాయతను ఒకే వేదికపైకి తీసుకొస్తూ.. ప్రేక్షకులకు సరికొత్త ఎంటర్‌టైన్‌మెంట్ ఎక్స్‌పీరియెన్స్‌ను అందించనుంది.

‘సెలబ్రిటీ మాస్టర్‌చెఫ్ తమిళ్‌’ త్వరలోనే సోనీ విళా, సోనీ లివ్‌లోకి రానుంది. డిజిటల్, సోషల్ మీడియా ప్లాట్‌ఫామ్స్‌లోనూ ఈ షోకు సంబంధించిన ఎక్స్‌క్లూజివ్ కంటెంట్ అందుబాటులోకి రానుంది.

అనుపమ పరమేశ్వరన్ ప్రేమ పెటాకులు

అనుపమ పరమేశ్వరన్ చాలా చిన్న వయసులోనే హీరోయిన్ గా మారింది. ప్రేమమ్ మూవీతో పరిచయమైంది అనుపమ పరమేశ్వరన్. తర్వాత అన్ని భాషల్లో తనదైన ఉనికిని చాటుకుంటుంది. డిఫరెంట్ రోల్స్ తో చాలామందిని ఆకట్టుకుంది. మొదట్లో గ్లామర్ పాత్రలకు దూరంగా ఉన్నా.. తర్వాత గ్లామర్ రోల్స్ తో కూడా సత్తా చాటుతోంది. అయితే రీసెంట్ గా తను ఒక ఇంటర్వ్యూలో చెప్పిన మాటలకు ఎంటైర్ ఇండస్ట్రీస్ ఉలికిపడిపోయింది.

అపరిచితుడుతో పోల్చిన అనుపమ పరమేశ్వరన్

అనుపమ పరమేశ్వరన్ తను ఒక అబ్బాయిని ప్రేమించానను అని చెప్పింది. కానీ అతనిలో ఒక శాడిస్ట్ ఉన్నాడు అని చెప్పింది. ఈ క్రమంలో అతని గురించి వివరిస్తూ అపరిచితుడు మూవీలోని విక్రమ్ పాత్రల్లాగా ‘ఒక సారి రెమోలాగా కనిపిస్తాడు. ఆ టైమ్ లో అద్బుతమైన ప్రేమను చూపిస్తాడు. లోకంలో తనకు మించిన లవర్ ఉండడు అనేలా ఫీల్ అయ్యలా చేస్తాడు. తర్వాత రోజు అతనిలో ఒక అపరిచితుడు వస్తాడు. విపరీతమైన హింసను చూపిస్తాడు. శాడిస్టిక్ గా బిహేవ్ చేస్తాడు. ఆ తర్వాతి రోజు వెంటనే సారీ చెబుతూ ఒక బేబీలా ప్రవర్తిస్తాడు. కాళ్లపై పడి మరీ క్షమాపణలు చెబుతుంటాడు.. కట్ చేస్తే అది ప్రతిసారీ రిపీట్ అవుతూనే ఉంటుంది..’ అని చెప్పింది.

ఇదంతా ధృవ్ విక్రమ్ గురించేనా..?

అనుపమ పరమేశ్వరన్.. ఇదంతా ఎవరి గురించి చెప్పింది అని చాలామంది అనుకుంటూ ఉంటారు. ఇంకెవరు.. విక్రమ్ తనయుడు ధృవ్ విక్రమ్. యస్.. అనుపమ పరమేశ్వరన్ ను ధృవ్ విక్రమ్ ప్రేమించాడు. ఈ ఇద్దరూ కలిసి నటించిన బైసన్ మూవీ టైమ్ లో వీరు ప్రేమలో పడ్డారు. బైసన్ చాలా పెద్ద విజయం సాధించింది. ఓ రకంగా ధృవ్ కు ఇది ఫస్ట్ హిట్. ఆ టైమ్ లోనే వీరి లవ్ గురించి చాలా రూమర్స్ వచ్చాయి. ఇద్దరూ కలిసి తిరుగుతున్నారు అని చాలా వార్తలు వచ్చాయి.

అనుపమ పరమేశ్వరన్ ఇప్పుడు ఫ్రీ..?

ఇంతలోనే అనుపమ పరమేశ్వరన్, ధృవ్ విక్రమ్ విడిపోయారు అనే న్యూస్ కూడా వచ్చాయి. ఇప్పుడా వార్తలకు బలం చేకూరుస్తూ అనుపమ పరమేశ్వరన్ ఇచ్చిన ఇంటర్వ్యూ సోషల్ మీడియాలో వైరల్ గా మారింది. అనుపమ పరమేశ్వరన్ తను ధృవ్ విక్రమ్ పేరు చెప్పకుండా అపరిచుతుడులోని పాత్రలను పోల్చి చెప్పడంతో అది అతని గురించే అని అంతా అనుకుంటున్నారు. సో.. తను ప్రస్తుతం ఈ అపరిచితుడు నుంచి బయటపడిపోయిందన్నమాట.