జన నాయగన్ బిగ్గెస్ట్ డిజాస్టర్

తమిళనాడు ముఖ్యమంత్రి విజయ్ నటించిన చివరి సినిమాగా జన నాయగన్ విడుదలైంది. నిజానికి ఈ మూవీ ఈ యేడాది జనవరి 9నే విడుదల కావాల్సి ఉంది. అప్పుడు రిలీజ్ అయితే ఎలక్షన్ కు ప్లస్ అవుతుందని అతను భావించినా సెన్సార్ కారణాలతో విడుదల వాయిదా పడుతూ వచ్చింది. ఎన్ని ప్రయత్నాలు చేసినా విడుదలకు ముందే మూవీ రావడం కష్టం అని భావించారు. ఈ లోగా పైరసీకీ గురైంది. ఈ లోగా విజయ్ ముఖ్యమంత్రి అయ్యాడు. తర్వాత వెంటనే విడుదల అనుకున్నా.. అప్పుడూ కుదరలేదు.

భగవంత్ కేసరికి రీమేక్

ఫైనల్ గా ఈ నెల 23న విడుదల చేశారు. బట్ రిజల్ట్ మాత్రం దారుణంగా వచ్చింది.
జన నాయగన్ తెలుగులో వచ్చిన భగవంత్ కేసరికి రీమేక్. అయితే ఇది కేవలం 50శాతం మాత్రమే తీసుకున్నారు అని ముందే చెప్పినా విడుదల తర్వాత చూస్తే 80శాతం వరకు అదే ఉంది. పైగా మూవీ అంతా మక్కీకి మక్కీగానే ఉంది. టేకింగ్ పరంగా మేకింగ్ పరంగా ఏ మాత్రం కొత్తదనం లేదు. అయినా విజయ్ మూవీ కాబట్టి తమిళ్ లో అద్భుతమైన కలెక్షన్స్ వస్తాయి అని చాలామంది భావించారు. బట్ అందుకు భిన్నంగా ఈ మూవీకి బిగ్గెస్ట్ డిజాస్టర్ టాక్ తమిళ్ లోనే వచ్చింది.

జన నాయగన్ ను పట్టించుకోని ప్రేక్షకులు

ఎలెక్షన్స్ టార్గెట్ గా తీసిన మిగతా 20శాతం ఇప్పుడు అవసరం లేకపోవడంతో మరింత మైనస్ గా మారింది. ఆ కారణంగా జన నాయగన్ చూసిన వాళ్లంతా.. ఇంకా చెబితే విజయ్ హార్డ్ కోర్ ఫ్యాన్స్ కూడా పెదవి విరిచారు. దీంతో ఈ చిత్రంలో డిలీట్ చేసిన ఒక 6సీన్స్ ను మళ్లీ యాడ్ చేస్తున్నాం అని మూవీ టీమ్ ప్రకటించింది. బట్ ఇప్పటికే జరగాల్సిన నష్టమే అయితే జరిగింది. ఈ టైమ్ లో కొన్ని సీన్స్ ను యాడ్ చేయడం వల్ల ఒరిగేదేంటీ అని చాలామంది ఫీలవుతున్నారు.

విజయ్ లాస్ట్ మూవీ డిజాస్టర్ గా

ఏదేమైనా విజయ్ మూవీ అంటే భారీ క్రేజ్ ఉంటుంది. పైగా అతని లాస్ట్ మూవీ అని కూడా జనం ఎగబడి చూస్తారు అనుకున్నారు. కానీ కంటెంట్ లో దమ్ము లేకపోతే జనం అస్సలు పట్టించుకోరు అని జన నాయగన్ తో మరోసారి ప్రూవ్ అయింది.ఏదేమైనా విజయ్ లాస్ట్ మూవీతో ఇలాంటి డిజాస్టర్ చూడ్డం కాస్త బాధాకరమే.

Latest Movies

‘జననాయకన్’ సెన్సార్ పూర్తి.. రిలీజ్‌కు గ్రీన్ సిగ్నల్..?

Yaswanthrao Rao
July 8, 2026

దళపతి విజయ్(Thalapathi Vijay) అభిమానులు ఎంతగానో ఎదురుచూస్తున్న ‘జననాయకన్’ సినిమా విడుదలకు సంబంధించిన కీలక అప్డేట్ వచ్చింది. లేటెస్ట్ అప్డేట్ ప్రకారం మూవీ టీమ్ సీబీఎఫ్‌సీ (CBFC) సూచించిన మార్పులను పూర్తి చేసి, ఫైనల్ కట్‌ను వెరిఫికేషన్ కోసం సమర్పించింది.
ఇప్పటికే సెన్సార్ ప్రక్రియ పూర్తైనట్లు తెలుస్తోంది. అధికారికంగా సర్టిఫికేట్ మాత్రం మరో ఒకటి లేదా రెండు రోజుల్లో జారీ కానుందని సమాచారం. దీంతో సినిమా జూలై 23 విడుదల దాదాపు ఖరారైనట్లే బలంగా వినిపిస్తోంది. కొన్ని రోజుల క్రితం ఈ సినిమాకు సంబంధించిన కొన్ని సన్నివేశాలు సోషల్ మీడియాలో లీక్ అయినప్పటికీ, దాని ప్రభావం ఓపెనింగ్స్‌పై పెద్దగా ఉండదనే అంచనాలు ఉన్నాయి. విజయ్‌కు ఉన్న భారీ ఫ్యాన్ బేస్ కారణంగా తొలి రోజు నుంచే బాక్సాఫీస్ వద్ద భారీ వసూళ్లు నమోదయ్యే అవకాశాలు కనిపిస్తున్నాయి.
‘జననాయకన్’ విజయ్(C,M.Vijay) నటుడిగా చేస్తున్న చివరి సినిమా కావడంతో ఫ్యాన్స్ లో మరింత భావోద్వేగాన్ని కలిగిస్తోంది. అందుకే ఈ చిత్రాన్ని థియేటర్లలో గ్రాండ్‌గా సెలబ్రేట్ చేయడానికి అభిమాన సంఘాలు ఇప్పటికే ప్రత్యేక ఏర్పాట్లు చేస్తున్నట్లు తెలుస్తోంది. ఇప్పుడు సెన్సార్ ప్రక్రియ పూర్తికావడంతో విడుదలపై ఉన్న సందేహాలకు కూడా తెరపడినట్లైంది. ఇక అఫీషియల్ రిలీజ్ డేట్ అనౌన్స్ అయితే ఫ్యాన్స్ కు మంచి పండగ రాబోతోందనుకోవచ్చు.