వెంకటేష్ ఆదర్శ కుటుంబం గ్లింప్స్

మూవీ ప్రమోషన్స్ అంటే ఈ మధ్య కాలంలో అనిల్ రావిపూడిని చూసే అంతా నేర్చుకోవాలని అంటున్నారు. చాలా ఇన్నోవేటివ్ గా, అట్రాక్టివ్ గా ముఖ్యంగా ఆడియన్స్ మైండ్ లోకి ఇమ్మీడియెట్ గా చొచ్చుకుపోయేలా అతను ప్రమోట్ చేస్తుంటాడు. దీంతో చాలామంది ఈ మూవీ ఖచ్చితంగా చూడాలి అని ఫిక్స్ అయిపోతుంటారు. అదీ అనిల్ రావిపూడి స్టైల్. ఇప్పుడు అనిల్ రావిపూడిని ఫాలో అవుతూ ఆదర్శకుటుంబం ప్రమోషన్ మొదలు పెట్టాడు త్రివిక్రమ్ శ్రీనివాస్.
ఆదర్శ కుటుంబం నుంచి ఫస్ట్ గ్లింప్స్ విడుదల చేశారు. వెంకటేష్, శ్రీనిధి శెట్టి జంటగా నటిస్తోన్న మూవీ ఇది. అక్టోబర్ 2న విడుదల కాబోతోంది. ఈ మేరకు గతంలోనే రిలీజ్ డేట్ అనౌన్స్ చేసింది మూవీ టీమ్. అయితే ఈ గ్లింప్స్ చూడగానే అందరికీ గుర్తొచ్చింది కేవలం అనిల్ రావిపూడినే. అతని స్టైల్లోనే ఆదర్శ కుటుంబం గ్లింప్స్ కనిపిస్తోంది.

అనిల్ రావిపూడి స్టైల్ లో గ్లింప్స్

శ్రీనిధి శెట్టి, వెంకటేష్ ఓ కొత్త ఇంటికి వెళతారు. అక్కడ ఉన్న వస్తువులన్నీ చూసి నీకు ఎంత బాగా పనిచేస్తాయో అంటూ శ్రీనిధి శెట్టి, వెంకటేష్ కు చెబుతూ ఉండటం.. దానికి కౌంటర్ గా రఘుబాబు చాలా చీప్ గా వెంకీని చూడటం చూస్తుంటే చాలా ఫన్నీగా ఉంది. ఓ రకంగా ఎఫ్ 2 లో వెంకటేష్, రఘుబాబు పాత్రలను కొనసాగించినట్టుగానూ ఉంది. మొత్తంగా ఈ గ్లింప్స్ అయితే చూడగానే ఆకట్టుకునేలా ఉంది అనేది చెప్పొచ్చు.
అయితే ఆదర్శ కుటుంబంలో కూడా వెంకటేష్ కూడా తన భార్య కింద నలిగిపోయే పాత్రే చేస్తున్నట్టుగా ఉంది. త్రివిక్రమ్ స్టైల్ లో ఈ మూవీని రూపొందిస్తున్నారని అర్థమైంది. కాకపోతే ఫ్లేవర్ అంతా అనిల్ రావిపూడిదే ఉండటం కొంత ఇబ్బందిగా ఉంది. హారిక హాసిని క్రియేషన్స్ బ్యానర్ లో రూపొందుతోన్న ఈ చిత్రానికి థమన్ సంగీతం అందిస్తున్నాడు.

ఆదర్శ కుటుంబలో నారా రోహిత్ కూడా

ఇక కొసమెరుపేంటంటే.. ఆదర్శ కుటుంబంలో నారా రోహిత్ పోలీస్ అధికారి పాత్రలో నటించడం. మరి అతని పాత్ర ఎలా ఉంటుంది అనేది ఇలా ప్రమోషన్స్ లో చెబుతారా లేక డైరెక్ట్ గా మూవీలోనే చూడాలా అనేది తెలియాల్సి ఉంది.