రవితేజ 200 కోట్ల క్లబ్ లో

మాస్ మహరాజ్ రవితేజ(Ravi Teja) హీరోగా నటించిన ఇరుముడి మూవీ 200 కోట్ల క్లబ్ లో చేరింది. ఈ క్లబ్ లోకి ఎంటర్ అవడం రవితేజకు ఫస్ట్ టైమ్. ఈ మూవీ ఇంకా భారీ వసూళ్లు సాధిస్తోంది. బేబీ నక్షత్ర(Baby Nakshatra) నటన అత్యద్భుతం అయితే రవితేజ ఫస్ట్ ఈ స్థాయి నటనతో అందరి హృదయాలు కొల్లగొట్టాడు. ప్రియా భవానీ శంకర్(Priya Bhavani Shankar), సాయికుమార్(Sai Kumar) ల నటన చాలా బావుంది. సినిమాలో చాలా మైనస్ లు ఉన్నా.. వాటన్నిటినీ రవితేజ, బేబీ నక్షత్ర నటనతో అధిగమించి మరీ ఈ మూవీ అంత పెద్ద విజయం సాధించింది.

రవితేజ ఇమేజ్ కి భిన్నంగా ఇరుముడి

రవితేజ సినిమాలన్నీ కాస్త ఫంకీగా ఉంటాయి. అతని పాత్రలు మరీ రొటీన్ అయిపోయాయి అనే తరుణంలో వచ్చింది ఇరుముడి. అద్భుతమైన నటనతో చూసినవాళ్లందరి చేతా కన్నీళ్లు పెట్టించాడు. ముఖ్యంగా బేబీ నక్షత్ర మళయాలీ అమ్మాయి అయినా ఎక్కడా తడబాటు లేకుండా తనే తెలుగులో డబ్బింగ్ చెప్పడం చాలా గొప్పగా అనిపించింది. కావేరీ పాత్రలో ప్రియా భవానీ అదరగొట్టింది. గురుస్వామిగా సాయి కుమార్ పాత్ర ఇచ్చిన ట్విస్ట్ లు అదిరిపోయాయి.

యూనానిమస్ బ్లాక్ బస్టర్ గా ఇరుముడి

ఈ మధ్య కాలంలో యూనానిమస్ గా మూవీకి బ్లాక్ బస్టర్ అనే టాక్ వచ్చింది అంటే అది కేవలం ఇరుముడికే. జనం బళ్లు కట్టుకుని వచ్చి మరీ చూస్తున్నారు. చాలా చోట్ల ఇంకా హౌస్ ఫుల్(House Full) బోర్డ్ లు దర్శనమిస్తున్నాయి. చాలా పెద్ద స్టార్స్ నటించిన, భారీ బడ్జెట్ మూవీస్ కు కూడా ఇన్ని రోజుల తర్వాత ఆ బోర్డ్ కనిపించలేదు. దర్శకుడు శివ నిర్వాణ(Shiva Nirvana) సాధించిన విజయం మాత్రం అఖండమే అని చెప్పాలి.

టికెట్ రేట్లు పెంచకున్నా భారీ వసూళ్లు

ఇరుముడి మూవీకి ఉన్న మరో అడ్వాంటేజ్ సినిమా టికెట్ రేట్లు పెంచకపోవడం. ఒకవేళ టికెట్ రేట్లు పెంచి ఉంటే వసూళ్లు ఓ రేంజ్ లో ఉండేవి. ఓ రకంగా తెలుగు మూవీస్ లో ఇప్పటికీ హయ్యొస్ట్ కలెక్షన్స్ లో మన శంకర్ వరప్రసాద్ గారు, సంక్రాంతికి వస్తున్నాం తర్వాత ఆ స్థాయిలో నిలవబోయే మూవీగా ఇరుముడి స్పష్టంగా కనిపిస్తోంది. ఏదేమైనా రవితేజ తన జోన్ నుంచి పూర్తిగా తప్పుకుని చేసిన ఈ మూవీ ఇంత పెద్ద విజయం సాధిస్తుందని ఎవరూ ఊహించి ఉండరేమో. రవితేజ ఇరుముడి 200 కోట్లు సాధించినందుకు ఎంటైర్ టీమ్ కు కంగ్రాట్యులేషన్స్.

రవితేజ నుంచి ఇలాంటి బూతా..

మాస్ మహరాజ్ రవితేజ ఎప్పుడూ కాంట్రవర్శీస్ కు దూరంగా ఉంటాడు. ఎక్కడా మాటలు జారిన సందర్భాలు కనిపించవు. కొన్నిసార్లు జారినా.. ఆ సందర్భానికి తగ్గట్టుగా కవర్ అవుతుంటాయి. అయితే ఇరుముడి మూవీ ప్రీ రిలీజ్ ఈవెంట్ లో వాడిన ఒక పదం మాత్రం దారుణం. అలాగని అది మరీ దారుణం ఏమీ కాదు.కానీ వాడిన పదం ఒక పాపతో కావడం.. ఘోరంగా అనిపించింది.
రవితేజ వాడిన ఆ బూతు పదం విన్న వారంతా ముక్కున వేలేసుకుంటున్నారు. అసలు రవితేజ ఇలాంటి పదం ఎలా మాట్లాడాడు. ఎందుకు వాడాడు అంటూ మాట్లాడుకుంటున్నారు. ఇంకొందరైతే రవితేజది చాలా బలుపు మెంటాలిటీ అంటున్నారు. ఒక పాప అది కూడా తెలుగు తెలియని పాప కాబట్టి ఇది ఓకే అనిపిస్తుంది. కానీ తెలుగు తెలిసిన వాళ్లంతా ఇలాగే ఫీల్ అవుతుంటారు కదా.

ఇంతకీ రవితేజ బూతు ఏంటీ..?

ఇరుముడి మూవీ ప్రీ రిలీజ్ ఈవెంట్ లో ఈ చిత్రంలో నటించిన బేబీ నక్షత్ర.. మైక్ పట్టుకుని రవితేజ వద్దకు వెళుతుంది. నాకు ఒక నిక్ నేమ్ పెట్టాలి అంటే ఏం పెడతారు అని అడుగుతుందా బేబీ. దానికి రవితేజ ఏ మాత్రం ఆలోచించకుండా ‘ముదురు ముం…’ అన్నాడు.ఒక చిన్న పిల్ల.. తను వెళ్లి తనకు నిక్ నేమ్ ఏం పెడతారు అని అడిగితే అతను తడుముకోకుండా ఇలాంటి పదం వాడటం ఏమంత భావ్యం కాదు.

రవితేజ నోరు అదుపులో పెట్టుకోవాల్సింది

రవితేజకు ఏ మాత్రం ఇంగిత జ్ఞానం ఉన్నా.. ఇలాంటి మాటలు పబ్లిక్.. ఆ మాటకొస్తే ప్రైవేట్ లో కూడా వాడకూడదు. అతనికి కూడా ఓ కూతురు ఉంది కదా. అలాంటి పాపతో ఇలాగే మాట్లాడతాడా అని చాలామంది కోపం చేస్తున్నారు. ఏదేమైనా ఇలాంటి వేదికలపై మాట్లాడుతున్నప్పుడు కాస్త నోరు, ఒళ్లూ దగ్గర పెట్టుకోవాలి. అలా చేయలేదు కాబట్టి ఇప్పుడు రవితేజ ఇలా దారుణమైన బూతు మాటతో నోరు జారాడు.